AN̈KEJAYOʼOYI 19

Jeʼm Jehová itestigojyaj, ¿jeʼeyajam jeʼm nuntapɨk cristianojyaj?

REPRODUCIR EN

Juʼuts Jehová atestigojtam an̈kupɨktaʼmpa iga anuntapɨk cristianojtam. ¿Tyiʼiga? Tan̈kɨʼpin̈iñ juuty antopnetaʼm jempɨk an̈kupɨktaʼmpa, tyiʼiga akkaʼmayñetamta yɨʼp nɨɨyi y juʼutspɨk toyoʼoyi anakwiñkejtaʼmpa.

1. ¿Juuty ityopneyaj jeʼm Jehová itestigojyaj jempɨk ikupɨkyajpa?

Jesús nɨm: «jém michpɨc iniŋma̱t́i jém nunta nu̱mapɨc» (Juan 17:17). Juʼuts Jehová atestigojtam an̈watkiʼpstaʼmpa Jesús: numaaj an̈kupɨktaʼmpa jempɨk in̈kejpa jeʼm Dios In̈maatyi. Aʼmtaʼamɨ juutypɨk ixpɨkyajta jeʼm Jehová itestigojyaj ityyajwɨʼɨp yɨʼp jaama. Toomi jeʼm amtyɨy 1870, tuum xutyu grupo ikuyujkayajpaʼap jeʼm Dios In̈maatyi moj ikɨʼpin̈yaj jeʼm Biblia. Ikutɨʼɨyɨyyaj iga jempɨk in̈kejpa jeʼm Biblia dyaʼ idyɨk jeʼ jempɨk sɨʼ in̈kejyaj jeʼm tun̈gak religiónyaj. Y okmɨ moj in̈kejayyaj jeʼm tun̈gakyaj. a

2. ¿Tyiʼiga ampɨknetaʼm jeʼm nɨɨyi Jehová itestigojyaj?

Jehová nɨmpa iga itestigojyaj jempɨk ikoosteñayyajpa y in̈matyajpa jeʼm nuntapɨk an̈kejayoʼoyi (Hebreos 11:4-12:1). Tsaam wiñɨgam Dios iñɨʼmay jeʼm ikumun: «Mimichtyam mantestigojtam» (maayɨʼ Isaías 43:10). Jesús nɨʼmaytyaap «jém wɨbɨc testigo jém d́apɨc mɨgóypa» (Apocalipsis 1:5). Jeʼyukmɨ jeʼm amtyɨy 1931 moj ampɨktaʼm jeʼm nɨɨyi Jehová itestigojyaj. Tsaam pɨɨmi amaymaytyam iga jeempɨgam aixpɨktamtaap.

3. ¿Juutypɨk iwatkiʼpsayyajpa jeʼm Jesús ityoyoʼoyi jeʼm Jehová itestigojyaj?

Jesús ityoyba idyɨk jeʼm ikuyujkɨʼɨwiñyaj juʼuts iñunta familia (maayɨʼ Marcos 3:35). Juʼuts Jehová atestigojtam anawɨnanɨgaytyamtaap juʼuts tumtyi familia. Jeʼyukmɨ ananɨʼmaytyamtaap «tɨɨwɨ» y «yoomtɨwɨ» (Filemón 1, 2). An̈kupɨktaʼmpatyim jeʼm an̈kiʼmayoʼoyi: «Natoyt́amta̱jɨ con tantɨ̱wɨtam» (1 Pedro 2:17). Juʼuts Jehová atestigojtam juchixkej anakwiñkejtaʼmpa toyoʼoyi, jeʼyukmɨ anyooxpaʼttaʼmpa jeʼm antɨwɨtam jesɨk yaʼachayajpa.

MAAJ TAN̈WƗKUYUJKAIÑ

Maaj tan̈wɨixpɨguiñ jeʼm Jehová itestigojyaj y tan̈kɨʼpin̈iñ weeñi nasɨyoʼoyiyaj ikwiñkejyajpaʼap iga anuntapɨk cristianojtam.

Jeʼm Jehová itestigojyaj ikupɨkyajpa jempɨk in̈kejpa jeʼm Biblia, in̈kejayyajpatyim tun̈gakyaj.

4. An̈kupɨktaʼmpa jempɨk nɨmpa jeʼm Biblia

Jehová ijɨychak iga nuʼkpa idyɨk jaama jesɨk maaj kutɨʼɨyɨytyaap jeʼm an̈kejayoʼoyi itywɨʼɨp Bibliajom. Maytyaʼamɨ Daniel 12:4 y an̈mattaʼamɨ tyi iñjɨɨstaʼmpa y kutson̈taʼamɨ:

Iganam jeʼm Dios iyooxakɨʼɨwiñyaj ikɨʼpɨn̈yajpa ininɨkyaj jeʼm Biblia, ¿tyiapaʼap jempɨk maaj «jaʼyan̈aap iñɨk»?

Aʼmɨ juutypɨk jeʼm tɨɨwɨ Charles Russell y tun̈gak tɨwɨtam ikɨʼpin̈yajpa idyɨk jeʼm Biblia. Aʼmtaʼamɨ jeʼm VIDEO y an̈mattaʼamɨ tyi iñjɨɨstaʼmpa y kutson̈taʼamɨ:

VIDEO: Ipaʼtyaj Bibliajom jeʼm nuntapɨk an̈kejayoʼoyi (7:45)

Juʼuts in̈kej jeʼm video, ¿juutypɨk ikuyujkayajpa idyɨk jeʼm Dios In̈maatyi Charles Russell y tun̈gak tɨwɨtam?

¿Iñjoodon̈am idyɨk?

Watykɨy an̈kaknetaʼm jempɨk an̈kupɨktaʼmpa idyɨk. ¿Tyiʼiga? Dios uxtyam uxtyam ayooxpaʼtnetaʼm iga an̈kutɨʼɨyɨytyaʼmiñ jeʼm In̈maatyi, jeex juʼuts jeʼm jaama jesɨk kukejpa, uxtyam uxtyam mojpa keeji jeʼm in̈tsookaʼ (maytyaʼamɨ Proverbios 4:18). Jeʼyukmɨ mex iga jeʼm Biblia dyaʼ kakpa, jesɨk maaj an̈kutɨʼɨyɨytyaʼmpa, an̈kaktaʼmpa jempɨk an̈kupɨktaʼmpa idyɨk.

5. Jeʼm nɨɨyi anaitytyamwɨʼɨp in̈kejpa tyi an̈wattaʼmpa

¿Tyiʼiga anɨʼmaytyamtaap iga Jehová atestigojtam? Aʼmtaʼamɨ jeʼm VIDEO y an̈mataʼamɨ tyi iñjɨɨstaʼmpa y kutson̈taʼamɨ:

VIDEO: Tuum nɨɨyi iga ikwiñkejpa aiapaʼaptam (2:56)

¿Tyiʼiga tsaam wɨɨ iga aixpɨktamtaap juʼuts Jehová atestigojtam?

¿Tyiʼiga Jehová akupin̈netaʼm iga atsɨʼytyaʼmiñ juʼuts atestigojtam? Jaʼyan̈yaj tsaam ikumɨgoyyajpa Jehová, jeʼyukmɨ jeʼm itestigojyaj in̈kejyajpa jeʼm nuntapɨk an̈kejayoʼoyi itywɨʼɨp Bibliajom iga wɨixpɨktaiñ Jehová, jeʼm nuntapɨk Dios. Tan̈kɨʼpin̈iñ weeñi jeʼm mɨgoʼoyiyaj.

Weeñi religiónyaj in̈kejyajpa iga Dios ixunba iga tampɨktaʼmiñ dios watyñaxyaj jesɨk tan̈koosteñaytyaʼmpa. ¿Pero jesaneum? Maytyaʼamɨ Levítico 26:1 y an̈mataʼamɨ tyi iñjɨɨstaʼmpa y kutson̈taʼamɨ:

Juʼuts in̈kej yɨʼp versículo, ¿juʼp jeʼ jeʼm nuntapɨk an̈kejayoʼoyi? ¿Ixunba Dios iga tan̈koosteñaʼyiñ jeʼm dios watyñaxyaj?

Weeñi panijyaj in̈kejyajpa iga Jesús jeʼ Dios. ¿Pero jesaneum? Maytyaʼamɨ Juan 20:17 y an̈mattaʼamɨ tyi iñjɨɨstaʼmpa y kutson̈taʼamɨ:

Juʼuts in̈kejpa yɨʼp versículo, ¿juʼp jeʼ jeʼm nuntapɨk an̈kejayoʼoyi? Dios y Jesús, ¿tumtyiyaj?
¿Juʼuts inin̈jaam sɨɨ iga iñjoodon̈am iga Jehová iniity itestigojyaj jempɨk in̈kejyajpa juʼuts jeʼ y jeʼm iMaanɨk?

6. Anatoytyamtaap

Jeʼm Biblia ikwiñkejpa jeʼm cristianojyaj juʼuts tuum mɨjtaay. Maytyaʼamɨ 1 Corintios 12:25, 26 y an̈mattaʼamɨ tyi iñjɨɨstaʼmpa y kutson̈taʼamɨ:

¿Tyi iwatyajpa jeʼm nuntapɨk cristianojyaj jesɨk iaʼmyajpa iga yaʼachayajpa jeʼm ityɨwɨtam?
¿Juutypɨk iñaʼmneʼ mich iga nakwiñkejayyajtaap toyoʼoyi jeʼm Jehová itestigojyaj?

Jesɨk tun̈gak an̈eymɨ jeʼm Jehová itestigojyaj yaʼachayajpa, jeʼm ityɨwɨtam ikuwɨtyi naxyukmɨpɨk iyooxpaʼtyajpa. Tanaʼmiñ tuum akwiñkeyoʼoyi, aʼmtaʼamɨ jeʼm VIDEO. Okmɨ an̈mattaʼamɨ tyi iñjɨɨstaʼmpa y kutson̈taʼamɨ:

VIDEO: Jeʼm huracán Matthew nuʼk Haití (5:29)

Jesɨk jeʼm Jehová itestigojyaj iyooxpaʼtyajpa jempɨk yaʼachayajpa, ¿miñɨmpasɨ iga ikwiñkejyajpa toyoʼoyi? ¿Tyiʼiga?

Jeʼm nuntapɨk cristianojyaj ikwiñkejayyajpa toyoʼoyi jempɨk ityogoyayyaj yooxpadoʼoyi.

WEEÑI NƗMYAJPA IGA: «Jeʼm Jehová itestigojyaj jeʼ tuum religión iga dyanam peka mojneʼ ityi».

¿Dende juchixam Jehová moj iñɨʼmay «testigojyaj» jempɨk ikoosteñayyajpa?

JEMPƗK TAN̈KUYUJKAʼ

Jeʼm Jehová itestigojyaj ikwiñkejyajpa iga nuntapɨk cristianojyaj. An̈koosteñaytyaʼmpa Dios ikuwɨtyi naxyukmɨ juʼuts tumtyi familia, an̈kupɨktaʼmpa jempɨk in̈kejpa jeʼm Biblia y anan̈kejaytyaʼmpa tun̈gakyaj iga iwɨxpɨkyajiñ Jehová.