Jehová ikusuʼnɨʼyba iga idyiñ orden (1 Corintios 14:33). Jeʼyukmɨ nasuntaap iga jeʼm Jehová ikumunjom idyiñtyim orden. ¿Juutypɨk nawɨtsakneta jeʼm kumun? ¿Juutypɨk wɨap tanyooxpadoy iga juchixkej idyiñ orden?

1. ¿Iapaʼap in̈jakneʼ jeʼm kumun?

«Jext́im juuts Cristo, je jém co̱bacpɨc, iŋjacpat́im» jeʼm kumun (Efesios 5:23). Jesús ikɨʼpin̈ba dende sɨn̈yukmɨ jeʼm yooxakuy iwatyajpaʼap jeʼm Jehová ikumun ikuwɨtyi naxyukmɨ. Jesús iñɨʼɨyɨyñeʼ tuum xutyu grupo juʼuts jeʼm «esclavo fiel y prudente»: ancianojyaj iga ixpɨkyajtaaptyim juʼuts jeʼm Kumun Nayooxaoyyajpaʼap (maayɨʼ Mateo 24:45-47). Juʼuts iwatyaj jeʼm apóstolyaj y jeʼm ancianojyaj ityyajwɨʼɨp idyɨk Jerusalén jeʼm wiñtyipɨk siglo, jeʼm Kumun Nayooxaoyyajpaʼap ijɨɨxian̈chiʼiyajpa jeʼm organización ikuwɨtyi naxyukmɨ (Hechos 15:2). Pero yɨʼpyaj pɨxɨñtyam dyaʼ in̈jakyajpa jeʼm organización. Ikuaʼmyajpa jeʼm Jehová ijɨɨxian̈chioʼoyi ikuyukmɨ jeʼm Biblia y ikupɨkyajpa Jesús.

2. ¿Juʼp yooxakuy iwatyajpa jeʼm ancianojyaj?

Jeʼm ancianojyaj—iga iniityyaj experiencia—in̈kejyajpa jeʼm Dios In̈maatyi y juʼuts pastoryaj iyooxpaʼtyajpa y ianmajan̈chiʼiyajpa jeʼm kumun. Jeʼeyaj dyaʼ icheʼkyajpa jeʼm iyooxakuy. Ikupɨkyajpa jempɨk nɨmpa jeʼm Biblia: «wattaamɨ jém Dios iyo̱xacuy […], d́a porque mipɨɨmɨyt́amta̱p, ni porque iŋcoñwɨyt́amtooba tumiñ. Wattaamɨ jém iñyo̱xacuy con it́u̱mpɨy íña̱nama» (1 Pedro 5:1, 2). Jeʼm siervos ministeriales iyooxpaʼtyajpa jeʼm ancianojyaj y jesɨk iniityyajum experiencia wɨaptyim ikuyooxaoyyaj juʼuts ancianojyaj.

Jeʼm Kumun Nayooxaoyyajpaʼap ikupin̈yajpa weeñi ancianojyaj iga kuyooxaoyyajiñ juʼuts superintendentes de circuito. Yɨʼpyaj tɨwɨtam ijooyayyajpa jeʼm kumunyaj, ianmajan̈chiʼiyajpa y ijɨɨxɨan̈chiʼiyajpa. Iñɨʼɨyɨyyajpatyim weeñi tɨwɨtam juʼuts ancianojyaj y siervos ministeriales siiga ikkupakyajpa jempɨk in̈kejpa jeʼm Biblia (1 Timoteo 3:1-10, 12; Tito 1:5-9).

3. ¿Juʼp yooxakuy iwatyajpa tumtum Testigo?

Ityumpɨyyaj jeʼm kumunjom ikujiʼpyajpa jeʼm Jehová iñɨɨyi jesɨk tɨgɨykuʼmyajpa jeʼm an̈tuʼumaajijom y jesɨk in̈matyajpa jeʼm Dios In̈maatyi juʼtspɨyam wɨayajpa (maayɨʼ Salmo 148:12, 13).

 MAAJ TAN̈WƗKUYUJKAIÑ

4. Jesús tayooxpaʼtpa jesɨk tayaʼachaap

Jesús tajɨykaʼmayñeʼ iga tayooxpaʼtpa. Maytyaʼamɨ Mateo 11:28-30 y an̈mattaʼamɨ tyi iñjɨɨstaʼmpa y kutson̈taʼamɨ:

• ¿Juʼutspɨk an̈jagoʼoyi jeʼ Jesús? ¿Y tyi ixunba iga tanjamtaʼmiñ?

5. Jeʼm ancianojyaj iwatkiʼpsyajpa jempɨk in̈matyajpa

1. Jeʼm ancianojyaj ipɨɨmchiyajpa iwɨnanɨgoʼoyi kun Jehová y iyooxpaʼtyajpa jeʼm ifamilia iga jeempɨktyim iwatyajiñ.

2. Jeʼm ancianojyaj ityeguedayajpa ityumpɨy jempɨk ityyaj jeʼm kumunjom.

3.   Jeʼm ancianojyaj juchixkej putyajpa jeʼm an̈matkuyjom.

4. Jeʼm ancianojyaj iknasyajpa najɨʼyoʼoyiyaj. Pero iwatyajpatyim tyityam nasuntaap juuty an̈tuʼumayajpa.

6. Tawagayooxataʼmiñ kun jeʼm ancianojyaj

Jeʼm Biblia tan̈madaʼyba tyiʼiga wɨɨ iga tawagayooxataʼmiñ kun jeʼm ancianojyaj. Maytyaʼamɨ Hebreos 13:17 y an̈mattaʼamɨ tyi iñjɨɨstaʼmpa y kutson̈taʼamɨ:

• Juʼuts nɨmpa jeʼm Biblia, ¿tyiʼiga wɨɨ iga tan̈kupɨktaʼmiñ jeʼm ancianojyaj? ¿Iñjɨɨspa mich iga dyaʼ tan̈kaʼ jempɨk tawaʼgaytyaap? ¿Tyiʼiga?

Maytyaʼamɨ Lucas 16:10 y an̈mattaʼamɨ tyi iñjɨɨstaʼmpa y kutson̈taʼamɨ:

• ¿Tyiʼiga wɨɨ iga tawagayooxataʼmiñ kun jeʼm ancianojyaj mex iga dyaʼ tan̈wɨkutɨʼɨyɨʼyba jeʼm jɨɨxi ipɨkyajpaʼap?

 JEMPƗK TAN̈KUYUJKAʼ

Jesús in̈jakpa jeʼm kumun. Jeʼm ancianojyaj ikupɨkyajpa Jesús y taɨchtyam tan̈waganayooxataʼmpa jeʼm ancianojyaj iga takuixyajpa y tan̈kejayyajpa kun iakwiñkejoʼoyi.

¿Iñjɨɨspanam?

• ¿Iapaʼap in̈jakpa jeʼm kumun?

• ¿Juutypɨk yooxpadoyyajpa jeʼm ancianojyaj jeʼm kumunjom?

• ¿Juʼp yooxakuy iwatpa tumtum Jehová iyooxakɨʼɨwiñ?