AN̈KEJAYOʼOYI 21
¿Juutypɨk sɨʼ in̈matta jeʼm wɨtampɨk an̈matyi?
Dyam jaʼyñeʼ, ikuyukmɨ jeʼm iAn̈jagoʼoyi Jehová ikkaʼyba ityumpɨy jempɨk sɨʼ tayaʼachwattaʼm. ¡Tsaam wɨɨ iga ityumpɨyyaj ijoodon̈ayajiñ yɨʼp wɨtampɨk an̈maatyi! Jesús ikutsat jeʼm ikuyujkɨʼɨwiñyaj iga in̈matyajiñ yɨʼp wɨtampɨk an̈maatyi ikuwɨtyi naxyukmɨ (Mateo 28:19, 20). ¿Tyi iwatneyaj jeʼm Jehová itestigojyaj iga ikkupakyajiñ jempɨk nɨm Jesús?
1. ¿Juutypɨk sɨʼ ikupak jempɨk nɨmpa Mateo 24:14?
Jesús nɨm: «Wiñt́i aŋmatta̱p yɨ́p wɨbɨc aŋma̱t́i iga Dios iŋjacpa jém it́yajwɨɨp yɨ́p naxyucmɨ» (Mateo 24:14). Juʼuts Jehová itestigojtam tsaam an̈kusuʼnɨytyaʼmpa an̈wattaʼm yɨʼp wɨbɨk yooxakuy. Ikuwɨtyi naxyukmɨ anan̈mattaʼmpa yɨʼp wɨtampɨk an̈maatyi tuumtsam 1,000 an̈matyiimɨ. Nasuntaap jeʼm Jehová iyooxpadoʼoyi iga wɨaiñ an̈wattaʼm yɨʼp mɨjpɨk yooxakuy y an̈wattaʼmiñtyim jaʼyan̈ empeño.
2. ¿Tyityam an̈wattaʼmpa iga wɨaiñ anan̈madaytyaʼm tun̈gakyaj?
Anan̈mattaʼmpa juuty ityñɨɨm. Juʼuts iwatyajpa idyɨk jeʼm wiñtyipɨk cristianojyaj, anɨktaʼmpatyim tɨk por tɨk (Hechos 5:42). Yɨʼɨmpɨk tsaam jaʼyan̈yaj anan̈madaytyaʼmpa jeʼm wɨtampɨk an̈maatyi tumtum amtyɨy. Pero dyaʼ ityumpɨyyaj ityyajpa ityɨkkɨʼɨm, jeʼyukmɨ anan̈mattaʼmpatyim juuty agui nasnɨɨmpa. Juchixkej anan̈madaytyaʼmpa tun̈gakyaj iga Jehová tsaam tatoyba y dyam jaʼyñeʼ ikkupakpa jeʼm In̈maatyi.
3. ¿Ityam kutsatneyajta iga in̈matyajiñ jeʼm wɨtampɨk an̈maatyi?
Ityumpɨy jeʼm nuntapɨk cristianojyaj kutsatneyajta iga in̈matyajiñ jeʼm wɨtampɨk an̈maatyi. Aɨchtyam anakkupaktaʼmpa yɨʼp yooxakuy juʼtspɨyam awɨataʼmpa iga kɨakputyajtaiñ tun̈gakyaj (maayɨʼ 1 Timoteo 4:16). Dyaʼ i ayojtaʼmpa iga an̈wattaʼmpa yɨʼp yooxakuy, jeʼm Biblia nɨmpa: «D́a mantségáy […], jesɨc odoy tséctaamɨ» (Mateo 10:7, 8). Y mex iga dyaʼ ityumpɨyyaj akumaton̈taʼmpa, duroj anan̈mattaʼmpa, iga jeempɨgam an̈koosteñaytyaʼmpa y ammaymaywattaʼmpa Jehová.
MAAJ TAN̈WƗKUYUJKAIÑ
Tanaʼmiñ juutypɨk jeʼm Jehová itestigojyaj sɨʼ anan̈mattaʼm jeʼm wɨtampɨk an̈maatyi ikuwɨtyi naxyukmɨ y juutypɨk Jehová sɨʼ ayooxpaʼttaʼm.
Anan̈mattaʼmpa ikuwɨtyi naxyukmɨ: A) Costa Rica; B) Estados Unidos; C) Benín; D) Tailandia; E) Yap (Micronesia); F) Suecia.
4. An̈wattaʼmpa empeño iga anan̈madaytyaʼmpa ityumpɨyyaj
Juʼuts Jehová itestigojtam pɨɨmi an̈wattaʼmpa empeño iga anan̈mattaʼmpa jeʼm wɨtampɨk an̈maatyi juʼpkej an̈eymɨ. Aʼmtaʼamɨ jeʼm VIDEO y an̈mattaʼamɨ tyi iñjɨɨstaʼmpa y kutson̈taʼamɨ:
-
Kun ityumpɨy jempɨk an̈wattaʼmpa jeʼm Jehová itestigojtam iga anan̈mattaʼmpa jeʼm wɨtampɨk an̈maatyi, ¿tyi jempɨk maaj migaʼman̈jakpa?
Maytyaʼamɨ Mateo 22:39 y Romanos 10:13-15, y an̈mattaʼamɨ tyi iñjɨɨstaʼmpa y kutson̈taʼamɨ:
-
¿Juutypɨk ikwiñkejpa jeʼm an̈matkuy iga antoytyaʼmpa ityumpɨyyaj?
-
¿Juʼuts iaʼm Jehová jempɨk in̈matyajpa jeʼm wɨtampɨk an̈maatyi? (Aʼmtaʼamɨ jeʼm versículo 15).
5. An̈waganayooxataʼmpa Dios
Waatyi nasɨyoʼoyiyaj ikwiñkejyajpa iga Jehová tayooxpaʼtpa jeʼm an̈matkuyjom. Tanaʼmiñ jempɨk nas Nueva Zelanda. Tuum kutsuʼuyaaji, tuum Testigo iñɨɨyi Paul put jeʼm an̈matkuy tɨk por tɨk y ipaʼt tuum yoomoʼ. Jeʼtyim kukeja, jeʼm yoomoʼ in̈wejpaʼt Jehová por iñɨɨyi, y iwagay iga ikutsadyiñ algun i ityɨkkɨʼɨm iga iyoxpaʼdyiñ iixpɨk. Paul nɨm: «Tres horas okmɨ, ɨch aityum idyɨk ipuerta an̈naakaʼ».
Maytyaʼamɨ 1 Corintios 3:9 y an̈mattaʼamɨ tyi iñjɨɨstaʼmpa y kutson̈taʼamɨ:
-
¿Juutypɨk ikwiñkejpa yɨʼp nasɨyoʼoyi iga Jehová sɨʼ iyooxpadoy jeʼm an̈matkuyjom?
Maytyaʼamɨ Hechos 1:8 y an̈mattaʼamɨ tyi iñjɨɨstaʼmpa y kutson̈taʼamɨ:
-
¿Tyiʼiga tatogoyaytyaʼm jeʼm Jehová iyooxpadoʼoyi iga tanakkupaktaʼmiñ jeʼm an̈matkuy?
¿Iñjoodon̈am idyɨk?
Kun jeʼm an̈tuʼumaaji anaitytyampaʼap entre semana wɨap an̈kuyujkataʼm juutypɨk anan̈mattaʼmpa jeʼm wɨtampɨk an̈maatyi. Siiga mich mioyñeʼ, ¿juʼuts iñaʼm jempɨk tan̈kuyujkataʼmpa?
6. An̈kupɨktaʼmpa Dios jesɨk anan̈mattaʼmpa jeʼm wɨtampɨk an̈maatyi
Jeʼm wiñtyipɨk siglo, jeʼm Jesús ikuyujkɨʼɨwiñyaj an̈jɨyjakyajta iga odom in̈matyajiñ. Pero yɨʼpyaj cristianojyaj duroj in̈matyaj y ikupujyaj «jém wɨbɨc aŋma̱t́i jém aŋjagooyi iwiñjo̱m» (Filipenses 1:7). Yɨʼp jaama, juʼuts Jehová itestigojtam jeempɨktyim an̈wattaʼmpa. a
Maytyaʼamɨ Hechos 5:27-42 y an̈mattaʼamɨ tyi iñjɨɨstaʼmpa y kutson̈taʼamɨ:
-
¿Tyiʼiga dyaʼ sɨʼ antsaktaʼm iga anan̈mattaʼmpa jeʼm wɨtampɨk an̈maatyi? (Aʼmtaʼamɨ jeʼm versículos 29, 38 y 39).
WEEÑI AKWAʼGOYYAJPA: «¿Tyiʼiga jeʼm Jehová itestigojyaj putyajpa tɨk por tɨk?»
-
¿Tyisɨ in̈kutson̈ba?
JEMPƗK TAN̈KUYUJKAʼ
Jesús ikutsat jeʼm ikuyujkɨʼɨwiñyaj iga in̈matyajiñ jeʼm wɨtampɨk an̈matyi ikuwɨtyi naxyukmɨ. Jehová sɨʼ iyooxpaʼt jeʼm itestigojyaj iga ikkupakyajiñ yɨʼp yooxakuy.
¿Iñjɨɨspanam?
-
¿Juutypɨk sɨʼ in̈matta jeʼm wɨtampɨk an̈maatyi ikuwɨtyi naxyukmɨ?
-
¿Juutypɨk ikwiñkejpa jeʼm an̈matkuy iga antoytyaʼmpa ityumpɨyyaj?
-
¿Miñɨmpasɨ iga jeʼm an̈matkuy tamaymaywatpa? ¿Tyiʼiga?
JODON̈AAJƗNAM
Aʼmɨ juutypɨk jeʼm Jehová itestigojyaj in̈matyajpa jeʼm wɨtampɨk an̈maatyi juuty ity mɨjtampɨk tɨgan̈jujyaj.
¿Juutypɨk ikunuʼkneyaj jeʼm Jehová itestigojyaj jempɨk ichakneyaj ipaís?
Anan̈madaytyaʼmpa Dios In̈maatyi jempɨk ichakneyaj ipaís (5:59)
Aʼmɨ juutypɨk tuum misionera tsaam maymay iga in̈matpa jeʼm wɨtampɨk an̈maatyi.
Jodon̈aajɨ weeñi jɨɨxiyaj ipɨkneyajwɨʼɨp jeʼm an̈jagoʼoyiyaj jempɨk yooxpadoyñeyaj iga duroj an̈mattaiñ jeʼm wɨtampɨk an̈maatyi.
a Dios jempɨk akutsatnetaʼm iga anan̈mattaʼmiñ. Jeʼyukmɨ juʼuts Jehová itestigojtam dyaʼ atogoyaytyaʼm iga jeʼm teguedɨʼɨyiyaj aʼamchityaʼmiñ anan̈mattaʼm jeʼm wɨtampɨk an̈maatyi.
