AN̈KEJAYOʼOYI 25
¿Tyi ixunba Dios para taɨchtyam?
Jeʼm Biblia nɨmpa iga taɨchtyam «dyaʼ juʼchan̈ taitypa y tsaam tayaʼachaap» (Job 14:1). ¿Ixunba idyɨk Dios iga yɨʼɨmpɨgam taitytyaʼmiñ? Siiga dyaʼ jesaneʼ, ¿tyi ixunba Dios para taɨchtyam? ¿Nuʼkpasɨ jaama iga kupakpa? Aʼmɨ tyi nɨmpa jeʼm Biblia.
1. ¿Juʼutspɨk ityi ixunba Dios iga tanaitytyaʼmiñ?
Jehová ixunba iga tawɨitytyaʼmiñ. Jesɨk iwat Adán y Eva, tsakyajta naxyukmɨ juuty tsaam wɨkoom: jeʼm jardín de Edén. Y jeem «kumayketyajta y nɨʼmayyajta: ‹An̈pɨktaʼamɨ y jaʼyan̈ataʼamɨ y komtaʼamɨ yɨʼp nas y wɨʼɨdyataʼamɨ›» (Génesis 1:28). Jehová ixunba idyɨk iga maanɨkwatyajiñ, iwɨʼɨdyayajiñ jeʼm Nas y jeʼm animatyaj. Jeʼ ixunba idyɨk iga juchixkej wɨityyajiñ.
Mex iga dyaʼ jeempɨk nas, a jeʼm Dios ijɨɨxi dyaʼ kakneʼ (Isaías 46:10, 11). Jeʼ ixunneʼ iga jeʼm ikupɨkyajpaʼap iniityyajiñ tuum ityi dyapɨk kuyajpa y wɨityyajiñ (maayɨʼ Apocalipsis 21:3, 4).
2. ¿Juutypɨk wɨap tammaymayataʼm dende sɨɨ?
Jehová tawattaʼm kun jeʼm jɨɨxi iga tammeʼtstaʼmiñ juutypɨk tan̈kunuʼktaʼmpa, jeʼyukmɨ tañixpɨktamtoʼoba y tan̈koosteñaytyamtoʼoba (maayɨʼ Mateo 5:3-6). Dios ixunba iga tanaitytyaʼmiñ tuum wɨbɨk nanɨgoʼoyi kun jeʼ, iga tanɨktaʼmiñ «ityun̈jom», iga tantoytyaʼmiñ y tan̈kuyooxataʼmiñ kun ityumpɨy tananmaj (Deuteronomio 10:12; Salmo 25:14). Siiga tan̈wattaʼmpa yɨʼɨmpɨk wɨap tannuntamaymayataʼm mex iga tayaʼachataʼmpa. Siiga tan̈koosteñaytyaʼmpa Jehová tawɨnɨgaytyaʼmpa.
MAAJ TAN̈WƗKUYUJKAIÑ
Tanaʼmiñ iga Jehová takwiñkejaytyaʼm toyoʼoyi jesɨk iwat yɨʼp Nas y tanaʼmiñtyim iga jeʼm Biblia in̈kejpa tyi ixunba Dios para taɨchtyam.
3. Jehová ixunba iga tantumpɨytyam tamaymayataʼmiñ tañityijom
Aʼmtaʼamɨ jeʼm VIDEO y an̈mattaʼamɨ tyi iñjɨɨstaʼmpa y kutson̈taʼamɨ:
-
¿Tyiʼiga iwat Dios yɨʼp Nas?
Maytyaʼamɨ Eclesiastés 3:11 y an̈mattaʼamɨ tyi iñjɨɨstaʼmpa y kutson̈taʼamɨ:
-
Juʼuts in̈kejpa yɨʼp texto, ¿tyi iwatneʼ Jehová?
4. Jehová dyaʼ ikakneʼ jeʼm ijɨɨxi
Maytyaʼamɨ Salmo 37:11, 29 e Isaías 55:11, y an̈mattaʼamɨ tyi iñjɨɨstaʼmpa y kutson̈taʼamɨ:
-
¿Juutypɨk tanjoodon̈tam iga jeʼm jɨɨxi iniitywɨʼɨp Jehová dyaʼ kakneʼ?
Tuum tɨk mɨsanewɨʼɨp wɨap iwɨtsakseetta. Jeempɨktyim naspa kun yɨʼp Nas: jempɨk iitykaneyaj dyaʼ iwɨkuixñeyaj, pero Dios iwɨtsakpa iga iitykayajiñ juchixkej jempɨk kupɨgoyyajpa.
5. Siiga tan̈koosteñaʼyba Jehová juchixkej tawɨnɨgaʼyba
Tamaymayataʼmpa jesɨk tanjoodon̈aap tyiʼiga tawatnetamta. Aʼmtaʼamɨ jeʼm VIDEO y an̈mattaʼamɨ tyi iñjɨɨstaʼmpa y kutson̈taʼamɨ:
-
¿Juutypɨk iyooxpaʼt Terumi jesɨk ijoodon̈a tyiʼiga tawatnetamta?
Maytyaʼamɨ Eclesiastés 12:13 y an̈mattaʼamɨ tyi iñjɨɨstaʼmpa y kutson̈taʼamɨ:
-
Sɨɨ iga tanjoodon̈am jempɨk Jehová iwatneʼ por taɨchtyam, ¿tyi wɨap tan̈wat iga tanakwiñkejaʼyiñ toyoʼoyi?
WEEÑI AKWAʼGOYYAJPA: «¿Tyiʼiga taitytyaʼm yɨʼɨm? ¿Tyiʼiga tawatnetamta?».
-
¿Mich tyisɨ in̈kutson̈ba?
JEMPƗK TAN̈KUYUJKAʼ
Jehová ixunba iga juchixkej taitytyaʼmiñ yɨʼɨm naxyukmɨ y tamaymayataʼmiñ. Pero siiga tan̈koosteñaytyaʼmpa Jehová kun ityumpɨy tananmaj, dende sɨɨ wɨaptyim tammaymayataʼm.
¿Iñjɨɨspanam?
-
¿Tyi idyɨk ixunba Jehová jesɨk iwat Adán y Eva?
-
¿Juutypɨk tanjoodon̈tam iga dyaʼ kakneʼ jempɨk Dios ixunba idyɨk para taɨchtyam?
-
¿Tyi miyooxpaʼtpa iga iniidyiñ tuum wɨbɨk ityi?
JODON̈AAJƗNAM
Maayɨʼ tyiʼiga wɨap tan̈kupɨk iga nunta watta jeʼm jardín de Edén.
«Jeʼm jardín de Edén, ¿napʼs cuentojtyim?» (La Atalaya, 1 de enero de 2011)
Jodon̈aajɨ tyiʼiga an̈wɨkupɨknetaʼm iga jeʼm Nas ni keman aktogoytyaap.
Kɨʼpin̈ɨ tyiʼiga nɨmpa jeʼm Biblia iga tawatnetamta.
Aʼmɨ juutypɨk tuum pɨɨxiñ ikutɨʼɨyɨy iga dyaʼ idyɨk iniity ityumpɨy juʼuts jeʼ idyɨk ijɨɨspa.
a Jeʼm an̈kejayoʼoyi 26 tan̈kejaʼyba tyiʼiga dyanam kupakneʼ jeʼm Dios ijɨɨxi
