Jesɨk tammalnaskataʼmpa, jaʼyan̈yaj nakwaʼkyajtaap «¿Tyiʼiga?». Tsaam tamaymaywatpa tanjoodon̈a iga jeʼm Biblia ikutson̈ba yɨʼp akwagoʼoyi.

1. ¿Tyi iwat jeʼm Wookkɨʼɨwiñ iga moj ityi malwadoʼoyi yɨʼɨm naxyukmɨ?

Jeʼm Wookkɨʼɨwiñ in̈teeñkamok Dios, iga tsɨʼytyoʼoba idyɨk juʼuts an̈jagoʼoyi. Jeʼyukmɨ iwat iga Adán y Eva odoytyim ikupɨkyajiñ Dios (Génesis 3:1-5). Akkupɨkyajta iga Jehová dyaʼ idyɨk ixunba iga iwɨnɨgayyajiñ y maaj idyɨk maymayayajpa siiga dyaʼ ikupɨkyajpa Dios. Jesɨk jeʼm Wookkɨʼɨwiñ iñɨʼmay Eva iga dyaʼ idyɨk kaʼaba, nɨm jeʼm wiñtyipɨk mɨgoʼoyi. Jeʼyukmɨ jeʼm Biblia nɨmpa iga «je jém mɨgoypaap, ictsucum jém mɨgooyi» (Juan 8:44).

2. ¿Juʼp jɨɨxi ipɨkyaj Adán y Eva?

Jehová ichiʼ Adán y Eva ityumpɨy tyityam ityogoyayyaj idyɨk, nɨʼmayyajta iga wɨap idyɨk ikɨʼɨsyaj juʼptyin̈kej tɨm, numaaj tuum kuy ityɨm odoy idyɨk ikɨʼɨsyajiñ (Génesis 2:15-17). Pero jeʼeyaj dyaʼ kupɨgoyyaj. Eva «ityugay jeʼm ityɨm y moj ikuʼt». Y okmɨ ichiʼ Adán y jeʼ «ikɨʼɨstyim» (Génesis 3:6). Ikwɨstɨkyaj dyaʼ ikupɨkyaj Dios. Adán y Eva wɨkukaʼpsneyaj idyɨk, juchixkej wɨap idyɨk iwɨwatyaj. Pero jesɨk dyaʼ ikupɨkyaj Dios, tan̈kawatyaj y dyaʼ iwɨpɨktson̈yaj iga an̈jakyajtaiñ. Yɨʼp jɨɨxi tsaam imalwadayyaj (Génesis 3:16-19).

3. ¿Juutypɨk tɨgɨykuʼmpa kun taɨchtyam jempɨk iwatyaj Adán y Eva?

Adán y Eva tan̈kawatyaj, jeʼyukmɨ sɨɨ tantumpɨytyam tatan̈kaɨykɨʼɨwiñtyam. Jeʼm Biblia nɨmpa: «Tu̱m pɨ̱xiñ jém Adán moj iwat táŋca. Asíam moj tsucu̱mi jém táŋca yɨ́p naxyucmɨ. Cuando moj imalwat jém pɨ̱xiñ, tsucum iga caayajpa jém pɨxiñt́am. Jeeyucmɨ it́u̱mpɨy jém pɨxiñt́am caayajpa porque it́u̱mpɨy pɨ̱xiñ táŋcaɨ́y» (Romanos 5:12).

Jesɨk, ¿tyiʼiga tayaʼachataʼmpa? Watykɨy, iga dyaʼ tan̈wɨpɨktaʼmpa tanjɨɨxityam o tun̈gakyaj dyaʼ iwɨpɨkyajpa jeʼm ijɨɨxiyaj. Y oyba tayaʼachataʼmpa iga taitytyaʼmpa tuum an̈eymɨ juuty maaj idyɨk wɨɨ iga odoy taitytyaʼmiñ (maayɨʼ Eclesiastés 9:11).

 MAAJ TAN̈WƗKUYUJKAIÑ

4. Jempɨk iktsukum jeʼm yaʼachaaji

Jaʼyan̈yaj ikupɨkyajpa iga Dios in̈jakneʼ yɨʼp Nas. ¿Pero jesaneumsɨ? Aʼmtaʼamɨ jeʼm VIDEO.

Maytyaʼamɨ Santiago 1:13 y 1 Juan 5:19, y an̈mattaʼamɨ tyi iñjɨɨstaʼmpa y kutson̈taʼamɨ:

• ¿Iniity Dios jeʼm culpa iga ity yaʼachaaji y malwadoʼoyi?

5. ¿Juʼutskoom taitytyaʼm iga jeʼm Wookkɨʼɨwiñ sɨʼ in̈jak yɨʼp Nas?

1. Adán y Eva wɨkukaʼpsneyaj idyɨk y tsakyajta jeʼm jardín de Edén, pero okmɨ ikupɨkyaj jeʼm Wookkɨʼɨwiñ y dyam ikupɨkyaj Jehová.

2.   Dende jesɨgam, moj ityi yɨʼɨm naxyukmɨ jeʼm tan̈kaʼ, jeʼm yaʼachaaji y jeʼm kaʼiʼ.

3. Jehová ikkaʼyba jeʼm tan̈kaʼ, jeʼm yaʼachaaji y jeʼm kaʼiʼ y eybɨk tachiʼityaʼmpa tuum ityi kukaʼpsnewɨʼɨp y taitytyaʼmpa juchixkej jesɨk akjoomaseettaap yɨʼp Nas.

6. Jehová ityoyan̈jaampa jesɨk tayaʼachataʼmpa

¿Ityeguet Jehová jesɨk tayaʼachataʼmpa? Tammayiñ jempɨk ijaykunuʼkyaj jeʼm an̈jagoʼoyi David y jeʼm apóstol Pedro. Maytyaʼamɨ Salmo 31:7 y 1 Pedro 5:7, y an̈mattaʼamɨ tyi iñjɨɨstaʼmpa y kutson̈taʼamɨ:

• ¿Juʼuts inin̈jaam iga Jehová tateguettam y ityoyan̈jaampa jesɨk sɨʼ tanyaʼachataʼm?

 JEMPƗK TAN̈KUYUJKAʼ

Adán y Eva kun jeʼm Wookkɨʼɨwiñ iniityyaj jeʼm culpa iga ity malwadoʼoyi yɨʼɨm naxyukmɨ. Jehová tsaam ityoyan̈jaampa jesɨk tayaʼachataʼmpa y dyam jaʼyñeʼ jeʼ iktogoyba ityumpɨy jeʼm yaʼachaaji.

¿Iñjɨɨspanam?

• ¿Juutypɨk jeʼm Wookkɨʼɨwiñ imɨgoyay Eva?

• ¿Juutypɨk tamalwadayñetaʼm iga Adán y Eva dyaʼ kupɨgoyyaj?

• ¿Tyiʼiga tan̈kupɨktaʼmpa iga Jehová ityoyan̈jaampa jesɨk tayaʼachataʼmpa?