Adán y Eva dyaʼ ikupɨkyaj Dios. Jeʼyukmɨ tantumpɨytyam tatan̈kawattaʼmpa, tayaʼachataʼmpa y takaʼataʼmpa. a Pero tanaity tuum an̈jogoʼoyi. Jeʼm Biblia in̈kejpa iga Jehová, ikuyukmɨ jeʼm Jesucristo ikaʼiʼ takɨakputtaʼmpa iga odom tatan̈kawattaʼmiñ y odom takaʼataʼmiñ. Jesɨk tansunba iga kutsɨgaytyaiñ algun i matsnetawɨʼɨp, tanyojpa iga kɨakputtaiñ. Y jeempɨktyim iwat Jesús, iyoj jeʼm kɨakpudoʼoyi kun jeʼm iityi kukaʼpsnewɨʼɨp (maayɨʼ Mateo 20:28). Jesús dyaʼ idyɨk keman kaʼaba yɨʼp naxyukmɨ pero ipɨk ijɨɨxi iga ikɨan̈kotpa jeʼm iityi. Kun jeʼm ikaʼiʼ wɨa mu iwat iga taɨchtyam tampɨktson̈taʼmiñ jempɨk Adán y Eva ipatstogoyyaj. Ikwiñkejtyim iga jeʼ kun iJaatun̈ tsaam tatoyyajpa. Yɨʼp an̈kejayoʼoyi miyooxpaʼtpa iga maaj iñchoowaixiñ jeʼm Jesús ikaʼiʼ.

1. ¿Juutypɨk tayooxpaʼttaʼmpa sɨɨ jeʼm Jesús ikaʼiʼ?

Tantumpɨytyam seguido tajɨɨxtyogoytyaʼmpa iga tatan̈kaɨykɨʼɨwiñtyam. Pero wɨap tanamigojataʼm Dios siiga tantsakpa iga tammalwatpa y dyam eybɨk tatan̈kawatpa, y tan̈wagaʼybatyim Jehová, ikuyukmɨ Jesús, iga tawadaʼyiñ perdón (1 Juan 2:1). Jeʼm Biblia nɨmpa: «Tsa̱m pɨ̱mi yaachwatta̱ jém tánO̱mi Cristo. Accaata̱ iga tayojayt́a tantáŋca tu̱ŋcɨy para siempre. Accaata̱ jém wɨbɨc pɨ̱xiñ iga iyojáy it́u̱mpɨy jém malopɨc pɨxiñt́am it́áŋca iga tananɨctamta̱iñ Dios iwiñjo̱m» (1 Pedro 3:18).

2. ¿Juutypɨk tayooxpaʼtpa tannɨgɨyoʼoyijom jeʼm Jesús ikaʼiʼ?

Jehová ikutsat jeʼm iMaanɨk iga ikɨan̈kodyiñ jeʼm iityi «iga it́u̱mpɨy jém icupɨcneyajwɨɨp jém Dios iMa̱nɨc d́a togoypa, mas ipɨctsoŋpa jém vida jém d́apɨc cuyajpa» (Juan 3:16). Jesús ikɨan̈kot jeʼm iityi, jeʼyukmɨ dyam jaʼyñeʼ, Jehová iktogoyba ityumpɨy jeʼm malwadoʼoyi. Siiga tanakwiñkejpa fe en jeʼm Jesús ikaʼiʼ, wɨap tampɨktson̈taʼm jeʼm ityi dyapɨk kuyajpa jesɨk yɨʼp Nas tsɨʼyba juʼuts tuum paraíso (Isaías 65:21-23).

 MAAJ TAN̈WƗKUYUJKAIÑ

3. Jeʼm Jesús ikaʼiʼ takɨakputpa iga odom tatan̈kawadyiñ y odom takaʼiñ

1. Adán dyaʼ idyɨk tan̈kaɨy, pero jesɨk dyaʼ ikupɨk Dios, taknasaytyaʼm jeʼm tan̈kaʼ y jeʼm kaʼiʼ.

2. Jesús dyaʼ idyɨk tan̈kaɨy, jeʼ juchixkej ikupɨk Dios, jeʼyukmɨ wɨap tayooxpaʼt iga tampɨktson̈taʼmiñ jeʼm ityi dyapɨk kuyajpa.

4. Jeʼm Jesús ikaʼiʼ wɨap tayooxpaʼt tantumpɨytyam

 5. Jeʼm kɨakpudoʼoyi jeʼ tuum wɨbɨk xaaja iga Jehová michiʼiñeʼ

Jeʼm Jehová iamigojyaj iaʼmyajpa jeʼm kɨakpudoʼoyi juʼuts tuum wɨbɨk xaaja. Tanaʼmiñ tuum akwiñkejoʼoyi, maytyaʼamɨ Gálatas 2:20 y an̈mattaʼamɨ tyi iñjɨɨstaʼmpa y kutson̈taʼamɨ:

• ¿Juʼptam an̈maatyi ikwiñkejpa iga Pablo ichoowaixpa idyɨk jeʼm kɨakpudoʼoyi juʼuts tuum wɨbɨk xaaja?

Jesɨk Adán tan̈kawat, jeʼ y jeʼm imanɨktam moj kaʼiyaj. Pero Jehová ikutsat jeʼm iMaanɨk yɨʼɨm naxyukmɨ iga kaʼiñ por taɨchtyam, jeʼyukmɨ wɨap tanaity jeʼm ityi dyapɨk kuyajpa.

Jesɨk immayba yɨʼpyaj versículos, kujɨɨsɨ juʼuts idyɨk in̈jaam Jehová jesɨk iaʼm iga jeʼm iMaanɨk pɨɨmi yaʼachaap idyɨk ixɨʼ. Maytyaʼamɨ Juan 19:1-7 y 16-18, y an̈mattaʼamɨ tyi iñjɨɨstaʼmpa y kutson̈taʼamɨ:

• ¿Juʼuts inin̈jaam jesɨk in̈kujɨɨspa jempɨk Jehová y Jesús iwatneyaj por mimich?

 JEMPƗK TAN̈KUYUJKAʼ

Kun jeʼm Jesús ikaʼiʼ, Jehová tawadaʼyba perdón jeʼm tantan̈kaʼ, jeʼyukmɨ wɨap tampɨktson̈taʼm jeʼm ityi dyapɨk kuyajpa.

¿Iñjɨɨspanam?

• ¿Tyiʼiga kaʼ Jesús?

• ¿Juutypɨk jeʼm Jesús iityi kukaʼpsnewɨʼɨp wɨap takɨakput?

• ¿Juutypɨk wɨap miwɨwaday mimich jeʼm Jesús ikaʼiʼ?