AN̈KEJAYOʼOYI 28
Akwiñkeejɨ iga iñchoowaixpa jempɨk Jehová y Jesús iwatyaj por mimich
¿Juʼuts inin̈jaam jesɨk tuum iñamigo michiʼiba tuum wɨbɨk xaaja? Wɨapsɨ iga tsaam mimaymay y inikwiñkejaytyoʼoba iñamigo iga tsaam iñchoowaixpa jeʼm ixaaja. Jehová y Jesús tachiʼiñetaʼm jeʼm maaj wɨbɨk xaaja: jeʼm kɨakpudoʼoyi. Tanaʼmiñ juutypɨk wɨap tanakwiñkejtaʼm iga tantsoowaixtyaʼmpa.
1. ¿Juutypɨk wɨap tanakwiñkejtaʼm iga tantsoowaixtyaʼmpa jempɨk Dios y Cristo iwatyaj por taɨchtyam?
Jeʼm Biblia tajɨykamaʼyba «iga it́u̱mpɨy jém icupɨcneyajwɨɨp» Jesús wɨap ipɨktson̈yaj jeʼm ityi dyapɨk kuyajpa (Juan 3:16). ¿Juutypɨk wɨap tanakwiñkej iga tanaidyay fe Jesús? Dyaʼ numaaj tanakwiñkejpa jesɨk tan̈kupɨkpa, tanakwiñkejpatyim kun jeʼm jɨɨxiyaj tampɨktampaʼap y kun tyityam tan̈wattaʼmpa (Santiago 2:17). Jesɨk tanakwiñkejtaʼmpa fe kun tyityam tan̈wattaʼmpa y tanɨmtaʼmpa, tampɨɨmchityaʼmpa tan̈wɨnanɨgoʼoyi kun Jesús y kun Jehová (maayɨʼ Juan 14:21).
2. ¿Juʼp jaama taaʼmchityaʼmpa tanakwiñkejay Jehová y Jesús iga tantsoowaixpa jempɨk iwatyaj?
Jeʼm tsuʼuʼ wiñtyi iga akkaʼata, Jesús iñɨʼmay jeʼm ikuyujkɨʼɨwiñyaj juutypɨknam maaj wɨap idyɨk ikwiñkejyaj iga ichoowaixyajpa jeʼm ikaʼiʼ. Iktsukum tuum wɨbɨk jɨɨskimoʼoyi, jeʼm Biblia iknɨɨyakaʼaba «jém Santa Cena» y ixpɨktaptyim juʼuts jeʼm Jesús iJɨɨskimoʼoyi (1 Corintios 11:20). Jesús ichak yɨʼp jɨɨskimoʼoyi iga jeʼm ikuyujkɨʼɨwiñyaj y ityumpɨy jeʼm nuntapɨk cristianojyaj ijɨɨsyajiñ iga jeʼ kaʼ, y jeempɨgam takɨakputtaʼmpa. Jeʼyukmɨ Jesús tapɨʼɨmɨy: «Wattaamɨ yɨɨmpɨc iga anjɨ̱stámpa mimicht́am» (Lucas 22:19). Jesɨk miitypa juuty wattaap jeʼm Jɨɨskimoʼoyi, mich inikwiñkejpa iga iñchoowaixpa jeʼm mɨjpɨk toyoʼoyi jempɨk Jehová y Jesús ijaamyajpa por taɨchtyam.
MAAJ TAN̈WƗKUYUJKAIÑ
Tan̈kɨʼpin̈taʼmiñ juutypɨknam wɨap tanakwiñkejtaʼm iga tantsoowaixtyaʼmpa jeʼm mɨjpɨk toyoʼoyi ikwiñkejyajwɨʼɨp Jehová y Jesús. Y tan̈kɨʼpin̈iñtyim tyiʼiga tanteguedataʼmiñ jeʼm Jesús iJɨɨskimoʼoyi.
3. Siiga tantsoowaixpa yɨʼp xaaja takupɨgoʼyba
Kujɨɨsɨ iga sɨʼ iñjiʼkkaʼ y algun i mikɨakputpa. ¿In̈kujaʼamaʼyba jempɨk mikɨakput? ¿O in̈kuaʼmpa juutypɨk inikwiñkejaʼyba iga iñchoowaixpa jempɨk iwat?
Jeʼm tañityityam Jehová imɨʼɨchi. Maytyaʼamɨ 1 Juan 4:8-10 y an̈mattaʼamɨ tyi iñjɨɨstaʼmpa y kutson̈taʼamɨ:
-
¿Tyiʼiga jeʼm Jesús ikaʼiʼ jeʼ tuum xaaja tsampɨk tsoʼowɨy?
-
¿Juʼuts inin̈jaam jesɨk in̈kujɨɨspa jempɨk Jehová y Jesús iwatyaj por mimich?
¿Juutypɨk wɨap tanakwiñkejtaʼm iga tantsoowaixtyaʼmpa jempɨk iwatyaj Jehová y Jesús? Maytyaʼamɨ 2 Corintios 5:15, 1 Juan 4:11 y 5:3. Jesɨk yajum immaytyaʼm tumtum versículo an̈mattaʼamɨ tyi iñjɨɨstaʼmpa y kutson̈taʼamɨ:
-
¿Juutypɨk wɨap tanakwiñkejtaʼm iga tantsoowaixtyaʼmpa jeʼm kɨakpudoʼoyi?
4. Tan̈watkiʼpstaʼmiñ Jesús
Tañakwiñkejpatyim iga tantsoowaixpa jempɨk Jesús iwat jesɨk tan̈watkiʼpstaʼmpa. Maytyaʼamɨ 1 Pedro 2:21 y an̈mattaʼamɨ tyi iñjɨɨstaʼmpa y kutson̈taʼamɨ:
-
¿Juutypɨk wɨap in̈watkiʼps Jesús?
Jesús ityoyba idyɨk jeʼm Dios In̈maatyi, in̈mat jeʼm wɨtampɨk an̈maatyi y iyooxpaʼttyim tun̈gakyaj.
5. Tanjɨɨsaytyaʼmiñ jeʼm Jesús ikaʼiʼ
Joodon̈ataʼamɨ juutypɨk moj iwatta jeʼm Santa Cena, maytyaʼamɨ Lucas 22:14, 19, 20. Okmɨ an̈mattaʼamɨ tyi iñjɨɨstaʼmpa y kutson̈taʼamɨ:
-
¿Tyi nas jesɨk watta jeʼm Santa Cena?
-
¿Tyi ikwiñkejpa jeʼm pan y jeʼm vino? (Aʼmtaʼamɨ jeʼm versículos 19 y 20).
Jesús ixunba idyɨk iga jeʼm ikuyujkɨʼɨwiñyaj iwatyajiñ tumtum amtyɨy jeʼm Santa Cena, jeʼm jaama jesɨk kaʼ. Jeʼyukmɨ, jeʼm Jehová itestigojtam an̈tuʼumataʼmpatyim y an̈wattaʼmpatyim juʼuts jeʼ iwat. Siiga iñjoodon̈atoʼoba juutypɨk an̈wattaʼmpa yɨʼp an̈tuʼumaaji, aʼmtaʼamɨ jeʼm VIDEO. Okmɨ an̈mattaʼamɨ tyi iñjɨɨstaʼmpa y kutson̈taʼamɨ:
-
¿Juutypɨk wattaap jeʼm Jɨɨskimoʼoyi?
Jeʼm kaxtyanañi ikwiñkejpa jeʼm Jesús imɨjtaay kukaʼpsnewɨʼɨp jempɨk ikɨan̈kot por taɨchtyam. Jeʼm vino ikwiñkejpa jeʼm Jesús iñɨʼɨpiñ.
WEEÑI NƗMYAJPA IGA: «Siiga in̈kupɨkpa Jesús, jeʼ mikɨakputpa».
-
¿Juutypɨk impɨkpa Juan 3:16 y Santiago 2:17 iga in̈wɨan̈madaʼyiñ algun i tyiñam maaj wɨɨ iga iwadyiñ?
JEMPƗK TAN̈KUYUJKAʼ
Siiga tanaity fe y tanjɨɨsaytyaʼmpa jeʼm Jesús ikaʼiʼ wɨap tanakwiñkej iga tantsoowaixtyaʼmpa jempɨk jeʼ iwat por taɨchtyam.
¿Iñjɨɨspanam?
-
¿Juutypɨk tanakwiñkejaʼyba fe jeʼm tanOmi Jesús?
-
¿Inikwiñkejaytyoʼoba Jehová y Jesús iga iñchoowaixpa jempɨk jeʼeyaj iwatyaj por mimich? ¿Juutypɨk in̈wattoʼoba?
-
¿Tyiʼiga tsaam wɨɨ iga miñɨguiñ jesɨk wattaap jeʼm Jɨɨskimoʼoyi?
JODON̈AAJƗNAM
Kumatoon̈ɨ jempɨk jeʼm Jesús ikaʼiʼ taanmajan̈chiʼiba iga tan̈wadyiñ.
Jodon̈aajɨnam juʼuts jeʼm fe y juutypɨk wɨap tanakwiñkej.
«Tan̈kupɨktaʼmiñ jeʼm Jehová ijɨykamoʼoyiyaj» (La Atalaya, octubre de 2016)
Tuum yoomoʼ kak iityi jesɨk ikutɨʼɨyɨy tyiapaʼap jeʼm Jesús ikaʼiʼ. Maayɨʼ jeʼm iñasɨyoʼoyi «Tsaam wɨɨ anan̈jaam y tsaam amaymay iga jeʼm añityi kuaʼyñeʼ».
«Jeʼm Biblia ikagayyaj jeʼm iityi» (La Atalaya, 1 de agosto de 2011)
Aʼmɨ tyiʼiga jesɨk jɨɨsaytyaap jeʼm Jesús ikaʼiʼ, dyaʼ juʼchan̈yaj ikɨʼɨsyajpa jeʼm kaxtyanañi y iukyajpa jeʼm vino.
