Jempɨk in̈kejpa jeʼm Biblia tɨgɨykuʼmpatyim kun̈ jeʼm Dios iAn̈jagoʼoyi. Ikuyukmɨ yɨʼp An̈jagoʼoyi Jehová ikkupakpa jeʼm ijɨɨxi iniitywɨʼɨp idyɨk dende wiñtyi. ¿Tyiapaʼap jeʼm Dios iAn̈jagoʼoyi? ¿Juutypɨk tanjoodon̈tam iga sɨʼbam in̈jak? ¿Tyiapaʼap ikkupaneum? ¿Y tyiñam iwatpa tannɨgɨyoʼoyijom? Yɨʼpyaj akwagoʼoyiyaj tampadaʼyba ikutson̈oʼoyi yɨʼp kuyujijom y jeʼm tun̈gak wɨsteen kuyuuji.

1. ¿Tyiapaʼap jeʼm Dios iAn̈jagoʼoyi, y iapaʼap jempɨk In̈jakpa?

Jehová ikkaʼmneʼ yɨʼp An̈jagoʼoyi. Y Jesucristo jeʼ jempɨk in̈jakpa dende sɨn̈yukmɨ. (Mateo 4:17; Juan 18:36). Jeʼm Biblia nɨmpa iga Jesús kupin̈ta: «Iga it́u̱mpɨy tiempo iŋjaguiñ» (Lucas 1:32, 33). Jeʼyukmɨ in̈jakpa jempɨk ityyaj yɨʼp Naxyukmɨ iga Dios ikupin̈ juʼuts an̈jagoʼoyi.

2. ¿Ityam in̈jakyajpa kun Jesús?

Jesús dyaʼ in̈jakpa ikutyum. «Pɨxiñt́am de it́u̱mpɨy raza, jém iŋmatyajpáppɨc tuŋgac aŋma̱t́i, jém it́yajwɨɨp tuŋgac naxyucmɨ y de jém tuŋgac naciónyaj» in̈jakyajpatyim (Apocalipsis 5:9, 10). ¿Juʼtsan̈yaj in̈jakyajpa kun Jesús? Dende jesɨk Jesús oy ityi yɨʼp naxyukmɨ jaʼyan̈yaj ipɨkneyaj ijɨɨxi iga tsɨʼyyajpa juʼuts ikuyujkɨʼɨwiñyaj. Pero numaaj 144,000 jempɨk kupin̈neyajta iga tsɨʼyyajiñ juʼuts an̈jagoʼoyi kun Jesús jemɨk sɨn̈yukmɨ (maayɨʼ Apocalipsis 14:1-4). Y jeʼm cristianojyaj tsɨʼyajpaʼap yɨʼp naxyukmɨ an̈jakyajtaap kun jeʼm Dios iAn̈jagoʼoyi (Salmo 37:29).

3. ¿Tyiʼiga maaj wɨɨ jeʼm Dios iAn̈jagoʼoyi que jeʼm naxyukmɨpɨk an̈jagoʼoyiyaj?

Mex iga yɨʼp jaama ity an̈jagoʼoyiyaj iga iwatyajtoʼoba wɨtampɨk tyidyin̈kej, dyaʼ wɨap ikkupakyaj ityumpɨy jempɨk ijɨɨsneyaj. Yɨʼpyaj an̈jagoʼoyiyaj kukagayyajtaptyim, y akkaʼmyajtaap tun̈gakyaj iga dyaʼ jespɨy ityeguedayajpa jeʼm tɨgan̈juj juuty in̈jakyajpa. Pero jeʼm an̈jagoʼoyi ikupin̈newɨʼɨp Jehová dyaʼ i wɨap ikukagay. Dios ikkaʼm «tuum an̈jagoʼoyi iga ni keman aktogoytyaap» (Daniel 2:44). Jesús in̈jakpa ikuwɨtyi yɨʼp naxyukmɨ y ni tuum dyaʼ iñeejaixpa. Jeʼ tsaam yaʼachan̈jamoʼyba, toyoʼyba y iwɨwatpa, y jeʼ tan̈kejaytyaʼmpatyim iga tayaʼachan̈jaamoytyaʼmiñ, tatoyoytyaʼmiñ y tan̈wɨwattaʼmiñ (maayɨʼ Isaías 11:9).

7. Jeʼm an̈kiʼmayoʼoyiyaj chioypaʼap jeʼm Dios iAn̈jagoʼoyi maaj wɨɨ

Jeʼm an̈jagoʼoyiyaj ikkaʼmyajpa an̈kiʼmayoʼoyiyaj iga iyooxpaʼttoʼoba y ikupujtoʼoba ityumpɨy jempɨk in̈jakneʼ. Jeʼm Dios iAn̈jagoʼoyi iniitytyim an̈kiʼmayoʼoyiyaj, jeʼyukmɨ jempɨk an̈jakyajtaap wɨɨ iga ikupɨkyajiñtyim. Maytyaʼamɨ 1 Corintios 6:9-11 y an̈mattaʼamɨ tyi iñjɨɨstaʼmpa y kutson̈taʼamɨ:

• ¿Juʼutskomom taitytyaʼmpa yɨʼp naxyukmɨ jesɨk ityumpɨyyaj ikupɨkyajpam jeʼm Dios ian̈kiʼmayoʼoyi? a

• ¿In̈joʼkpa Jehová iga jempɨk an̈jakyajtaap yɨʼp naxyukmɨ ikupɨkyajiñ jeʼm ian̈kiʼmayoʼoyiyaj? ¿Tyiʼiga iñjɨɨspa jeempɨk?

• ¿Tyiʼiga tanjoodon̈tam iga wɨap ikakyaj ijɨɨxi jempɨk dyaʼ ikupɨkyajpa yɨʼpyaj an̈kiʼmayoʼoyiyaj? (Aʼmɨ jeʼm versículo 11).

 JEMPƗK TAN̈KUYUJKAʼ

Jeʼm Dios iAn̈jagoʼoyi ityum sɨn̈yukmɨ y dyaʼ jaʼyñeʼ in̈jakpa ikuwɨtyi yɨʼp naxyukmɨ.

¿Iñjɨɨspanam?

• ¿Ityam kupin̈neyajta iga tsɨʼyyajiñ juʼuts an̈jagoʼoyiyaj jemɨk sɨn̈yukmɨ?

• ¿Tyiʼiga maaj wɨɨ jeʼm Dios iAn̈jagoʼoyi que jeʼm naxyukmɨpɨk an̈jagoʼoyiyaj?

• ¿Tyi ixunba Jehová iga iwatyajiñ ityumpɨy jempɨk an̈jakyajtaap yɨʼp naxyukmɨ?