AN̈KEJAYOʼOYI 32
¡Jeʼm Dios iAn̈jagoʼoyi sɨʼbam in̈jak sɨn̈yukmɨ!
Jeʼm Dios iAn̈jagoʼoyi moj in̈jak sɨn̈yukmɨ jeʼm amtyɨy 1914. Jeʼtyim amtyɨy tsukum jeʼm in̈an̈pɨgam jaama iga ityyaj yɨʼp naxyukmɨpɨk an̈jagoʼoyiyaj. ¿Juutypɨk tanjoodon̈tam? Yɨʼɨm in̈kɨʼpin̈ba jeʼm jɨychagoʼoyiyaj itywɨʼɨp Bibliajom y tyityam naspa ixɨʼ ikuwɨtyi yɨʼp naxyukmɨ y juʼutspɨk jɨɨxi ikwiñkejneyaj dende jeʼm amtyɨy 1914.
1. ¿Tyi ijɨychak jeʼm Biblia?
Daniel ijɨychakneum idyɨk iga jeʼm Dios iAn̈jagoʼoyi mojpa in̈jak okmɨ iga nasneum idyɨk jeʼm «siete tiempo» (Daniel 4:16, 17). Jaʼyan̈ amtyɨy okmɨ, Jesús ijɨykiʼmtyim jeʼm siete tiempo jesɨk nɨm «hasta cupacpa jém tiempo» y jeʼ in̈kej iga yɨʼp tiempo dyanam idyɨk kuyajneʼ (Lucas 21:24). Yɨʼɨm tan̈kɨʼpin̈taʼmpa iga jeʼm siete tiempo kuyaj jeʼm amtyɨy 1914.
2. ¿Tyityam naspa ixɨʼ ikuwɨtyi yɨʼp naxyukmɨ y juʼutspɨk jɨɨxi ikwiñkejneyaj dende jeʼm amtyɨy 1914?
Jeʼm Jesús ikuyujkɨʼɨwiñyaj ikwaʼkyaj: «¿Júp seña ánixt́ámpa?» (Mateo 24:3). Jesús nɨm iga naspa idyɨk jaʼyan̈ tyidin̈kej yɨʼp naxyukmɨ okmɨ iga mojpa idyɨk in̈jak juʼuts An̈jagoʼoyi jemɨk sɨn̈yukmɨ. Juʼuts akwiñkejoʼoyi ijɨykiʼm jeʼm an̈aajiyaj, jeʼm yuʼuʼ y jeʼm nasyɨʼɨxiyaj (maayɨʼ Mateo 24:7). Jeʼm Biblia ijɨychaktyim juʼutspɨk jɨɨxi ikwiñkejyajpa idyɨk jaʼyan̈yaj «jém íŋaŋpɨgam ja̱ma» iga tsaam idyɨk imalwatyajpa (2 Timoteo 3:1-5). Dende 1914, iwɨakwiñkejneyajum yɨkxpɨk jɨɨxiyaj.
3. ¿Tyiʼiga majtyim ity malwadoʼoyi y yaʼachaaji dende jesɨk moj in̈jak jeʼm Dios iAn̈jagoʼoyi sɨn̈yukmɨ?
Okmɨ iga Jesús tsɨʼy juʼuts an̈jagoʼoyi, tsukum tuum an̈aaji jemɨk sɨn̈yukmɨ, Jesús an̈a kun jeʼm Wookkɨʼɨwiñ y jeʼm demoniojyaj. Jeʼm Wookkɨʼɨwiñ dyaʼ ikooñwɨy jeʼyukmɨ juʼuts nɨmpa jeʼm Biblia, «quebacputta̱ sɨŋyucmɨ, acquetta̱ naxyucmɨ jém Woccɨɨwiñ con it́u̱mpɨy jém sɨŋyucmɨpɨc pɨxiñt́am jém it́úŋɨyyajpáppɨc» (Apocalipsis 12:9, 12). Jeʼm Wookkɨʼɨwiñ tsaam pɨɨmi joʼyñeʼ, jeʼ ijoodon̈ iga dyaʼ jaʼyñeʼ aktogoytyaap. Y tsaam sɨʼ imalwat ikuwɨtyi yɨʼp Naxyukmɨ. ¡Jeʼyukmɨ tsaam ity yaʼachaaji y malwadoʼoyi! Pero jeʼm Dios iAn̈jagoʼoyi iktogoyba ityumpɨy jempɨk sɨɨ tayaʼachwattaʼmpa.
MAAJ TAN̈WƗKUYUJKAIÑ
Tan̈kɨʼpin̈taʼmiñ tyityam ikwiñkejpa iga jeʼm Dios iAn̈jagoʼoyi moj in̈jak sɨn̈yukmɨ jeʼm amtyɨy 1914 y tanaʼmtaʼmiñ juutypɨk tɨgɨykuʼmpa kun taɨchtyam.
4. Jeʼm jɨychagoʼoyiyaj itywɨʼɨp Bibliajom tananuʼkpa a jeʼm amtyɨy 1914
Dios iwat iga Nabucodonosor, tuum wiñɨkpɨk Babilonia ian̈jagoʼoyi imaawiñixiñ tuum jɨychagoʼoyi. Jempɨk imaawiñix y jempɨk Daniel iñɨʼmay ikwiñkej iga yɨʼp jɨychagoʼoyi tigiykuʼmpa idyɨk kun jeʼm Nabucodonosor ian̈jagoʼoyi y jeʼm Dios iAn̈jagoʼoyi (maytyaʼamɨ Daniel 4:17). a
Maytyaʼamɨ Daniel 4:20-26. Okmɨ aʼmtaʼamɨ jeʼm recuadro iga wɨaiñ in̈kutson̈taʼm yɨʼpyaj akwagoʼoyiyaj:
-
A) ¿Tyi iaʼm Nabucodonosor jesɨk maawiña? (Aʼmtaʼamɨ jeʼm versículos 20 y 21).
-
B) ¿Tyi iñaskaʼaba idyɨk jeʼm kuy? (Aʼmtaʼamɨ jeʼm versículo 23).
-
C) ¿Tyi naspa idyɨk okmɨ jesɨk kuyajum jeʼm «siete tiempo»? (Aʼmtaʼamɨ jeʼm versículo 26).
Jeʼm kuy maawiñixtyawɨʼɨp y jeʼm Dios iAn̈jagoʼoyi
JEʼM JƗYCHAGOʼOYI (Daniel 4:20-36)
An̈jagoʼoyi
A) Tuum kuy tsaampɨk yoʼnneʼ
Poy akkaʼyaytya jeʼm an̈jagoʼoyi
B) «Akkutɨn̈tam jeʼm kuy» y tsaktam iga «naxiñ siete tiempo»
Eybɨk akseedaytya jeʼm An̈jagoʼoyi
C) «Eybɨk michɨʼyba juʼuts an̈jagoʼoyi»
Jeʼm wiñtyipɨk akkupagoʼoyi:
-
D) ¿Iapaʼap ikwiñkejpa jeʼm kuy? (Aʼmtaʼamɨ jeʼm versículo 22).
-
E) ¿Juchix akkaʼyaytya jeʼm ian̈jagoʼoyi? (Maytyaʼamɨ Daniel 4:29-33).
-
F) ¿Tyi iñaskaʼ okmɨ jesɨk kuyajum jeʼm «siete tiempo»? (Maytyaʼamɨ Daniel 4:34-36).
JEʼM WIÑTYIPƗK AKKUPAGOʼOYI
An̈jagoʼoyi
D) Nabucodonosor, jeʼm Babiloniajpɨk an̈jagoʼoyi
Poy akkaʼyaytya jeʼm an̈jagoʼoyi
E) Okmɨ iga nasneum jeʼm amtyɨy 606 a.e.c. b Nabucodonosor togoy jeʼm ijɨɨxi y dyaʼ wɨa mu in̈jak siete amtyɨy
Eybɨk akseedaytya jeʼm An̈jagoʼoyi
F) Nabucodonosor jɨɨxiɨygakpam y eybɨk tsɨʼyba juʼuts an̈jagoʼoyi
Jeʼm wɨstenpɨk akkupagoʼoyi:
-
G) ¿Ityam ikwiñkejpa jeʼm kuy? (Maytyaʼamɨ 1 Crónicas 29:23).
-
H) ¿Juchix dyam i tsɨʼy juʼuts an̈jagoʼoyi? ¿Juutypɨk tanjoodon̈tam iga dyam idyɨk tsɨʼyñeyaj juʼuts an̈jagoʼoyiyaj jesɨgam Jesús oy yɨʼp naxyukmɨ? (Maytyaʼamɨ Lucas 21:24).
-
I) ¿Juuty y juchix akkaʼmseeta yɨʼp an̈jagoʼoyi?
JEʼM WƗSTENPƗK AKKUPAGOʼOYI
An̈jagoʼoyi
G) Jeʼm israelitajpɨk an̈jagoʼoyiyaj iga ikwiñkejyajpa idyɨk jeʼm Dios ian̈jagoʼoyi
Poy akkaʼyaytya jeʼm an̈jagoʼoyi
H) Jerusalén aktogoytya jeʼm amtyɨy 607 a.e.c.; y nas 2,520 amtyɨy iga ni tuumnam israelita dyam tsɨʼy juʼuts an̈jagoʼoyi
Eybɨk akseedaytya jeʼm An̈jagoʼoyi
I) Jesús tsɨʼy juʼuts An̈jagoʼoyi dende jeʼm amtyɨy 1914
¿Juʼtsan̈ jaʼyba jeʼm siete tiempo?
Jeʼm Biblia tayooxpaʼtpa tan̈kutɨʼɨyɨy, juʼuts akwiñkejoʼoyi, en Apocalipsis nɨmpa iga tres tiempo y medio chioʼyba tuumtsam 1,260 jaama (Apocalipsis 12:6, 14). Siete tiempo nɨmtoʼoba wɨsna jesan̈, jeʼyukmɨ chioʼyba 2,520 jaama. Oyba jeʼm Biblia nɨmpa iga tuum jaama ikwiñkejpa tuum amtyɨy (Ezequiel 4:6). Yɨʼɨmpɨgam nas kun jeʼm siete tiempo ijɨykimpaʼap jeʼm libro de Daniel: ikwiñkejpa 2,520 amtyɨy.
5. Dende 1914 tsaam kukak jeʼm ityi yɨʼp naxyukmɨ
Jesús ijɨychak jempɨk naspa idyɨk yɨʼp naxyukmɨ jesɨk jeʼ tsɨʼyba juʼuts an̈jagoʼoyi. Maytyaʼamɨ Lucas 21:9-11 y an̈mattaʼamɨ tyi iñjɨɨstaʼmpa y kutson̈taʼamɨ:
-
Jeʼm jɨychagoʼoyiyaj ijɨykimpaʼap yɨʼp texto, ¿juʼptam jempɨk mich iñaʼmneʼ o in̈kumaton̈neʼ?
Jeʼm apóstol Pablo nɨm tyityam iwatyajpa idyɨk jempɨk ityyajpa yɨʼp in̈an̈pɨgam jaama. Maytyaʼamɨ 2 Timoteo 3:1-5 y an̈mattaʼamɨ tyi iñjɨɨstaʼmpa y kutson̈taʼamɨ:
-
Juʼuts ijɨykiʼmpa jeʼm texto, ¿juʼptam iñaʼmneʼ mich?
6. Tyi wɨɨ iga tan̈wattaʼmiñ sɨɨ iga tanjoodon̈am iga jeʼm Dios iAn̈jagoʼoyi sɨʼbam in̈jak sɨn̈yukmɨ
Maytyaʼamɨ Mateo 24:3, 14 y an̈mattaʼamɨ tyi iñjɨɨstaʼmpa y kutson̈taʼamɨ:
-
¿Juʼp yooxakuy iwɨakwiñkejpa iga jeʼm Dios iAn̈jagoʼoyi sɨʼbam in̈jak sɨn̈yukmɨ?
-
¿Juutypɨk mich wɨap iñyooxpadoy en yɨʼp yooxakuy?
Jeʼm Dios iAn̈jagoʼoyi sɨʼbam in̈jak sɨn̈yukmɨ y dyaʼ jaʼyñeʼ in̈jakpam ikuwɨtyi yɨʼp naxyukmɨ. Maytyaʼamɨ Hebreos 10:24, 25 y an̈mattaʼamɨ tyi iñjɨɨstaʼmpa y kutson̈taʼamɨ:
-
Iganam tanan̈joʼktaʼmpa jeʼm jaama jesɨk mojpam in̈jak yɨʼp naxyukmɨ jeʼm Dios iAn̈jagoʼoyi, ¿tyi wɨɨ iga tan̈wattaʼmiñ dende sɨɨ?
Siiga in̈kuyujkaʼaba algun tyi iga iyooxpaʼtpa tun̈gakyaj y wɨap ikɨakpudayyaj iityi, ¿tyi idyɨk in̈watpa?
WEEÑI AKWAʼGOYYAJPA: «¿Tyiʼiga jeʼm Jehová itestigojyaj tsaam ijɨykimyajpa jeʼm amtyɨy 1914?».
-
¿Tyisɨ in̈kutson̈ba?
JEMPƗK TAN̈KUYUJKAʼ
Jeʼm jɨychagoʼoyiyaj ityyajwɨʼɨp Bibliajom y tyityam naspa ixɨʼ ikuwɨtyi yɨʼp naxyukmɨ ikwiñkejpa iga jeʼm Dios iAn̈jagoʼoyi sɨʼbam in̈jak dende sɨn̈yukmɨ. Y taɨchtyam tanakwiñkejtaʼmpa iga tan̈kupɨktaʼmpa jesɨk tanan̈madayyajpa tun̈gakyaj de jeʼm Dios iAñjagoʼoyi y jesɨk tanɨktaʼmpa jeʼm an̈tuʼumaajiyaj.
¿Iñjɨɨspanam?
-
¿Tyi nas okmɨ iga kuyaj jeʼm siete tiempo ijɨychakwɨʼɨp Daniel?
-
¿Tyiapaʼap mikkupɨkpa mich iga jeʼm Dios iAn̈jagoʼoyi moj in̈jak sɨn̈yukmɨ jeʼm amtyɨy 1914?
-
¿Juutypɨk wɨap inikwiñkej iga in̈kupɨkpa iga jeʼm Dios iAn̈jagoʼoyi sɨʼbam in̈jak sɨn̈yukmɨ?
JODON̈AAJƗNAM
Maayɨʼ tyi nɨmyajpa weeñi historiadores iga juutypɨk kukakneʼ jeʼm ityi ikuwɨtyi yɨʼp naxyukmɨ dende jeʼm amtyɨy 1914.
«Dende jesɨgam dyam nakwiñkejayyajta respeto» (¡Despertad!, de abril de 2007)
Aʼmɨ juutypɨk jeʼm jɨychagoʼoyi itywɨʼɨp en Mateo 24:14 iyooxpaʼt tuum pɨɨxiñ jeʼm iityijom.
«Tsaam idyɨk an̈kusuʼnɨʼyba jeʼm béisbol» (La Atalaya, núm. 3 2017)
¿Juutypɨk tanjoodon̈ iga jeʼm jɨychagoʼoyi itywɨʼɨp jeʼm capítulo 4 de Daniel tɨgɨykuʼmpa kun jeʼm Dios iAn̈jagoʼoyi?
¿Tyiapaʼap ikwiñkejpa iga jeʼm «siete tiempo» ijɨykimpaʼap Daniel capítulo 4 kuyaj jeʼm amtyɨy 1914?
a Maayɨtyim jeʼm in̈an̈pɨgam wɨsteen an̈kejayoʼoyi itywɨʼɨp jeʼm jaakaʼ « Jodon̈aajɨnam» de yɨʼp an̈kejayoʼoʼoyi.
b Ampɨktaʼmpa a.e.c. para jeʼm an̈maatyi antes de nuestra era o antes de la era común. Y ampɨktaʼmpatyim e.c. para jeʼm an̈maatyi nuestra era o era común.
