Jeʼm Dios iAn̈jagoʼoyi sɨʼbam in̈jak sɨn̈yukmɨ. Y dyaʼ jaʼyñeʼ iwatpa wɨtampɨk kukakiyaj yɨʼp naxyukmɨ. Tanaʼmiñ tyityam iwatpa jeʼm Dios iAn̈jagoʼoyi y jempɨk mich wɨap inin̈joʼk kun maymayaaji.

1. ¿Tyi iwatpa jeʼm Dios iAn̈jagoʼoyi iga eybɨk idyiñ paz y odoy idyiñ jeʼm malwadoʼoyi yɨʼp naxyukmɨ?

Jesɨk tsukumpa Armagedón, Jesús, jeʼm An̈jagoʼoyi iga Dios ikupɨn̈neʼ iktogoyba jeʼm an̈jagoʼoyiyaj y ityumpɨy jempɨk imalwatyajpa (Apocalipsis 16:14, 16). Peʼm tiempo kupakneʼebam jeʼm jɨykamoʼoyi iga: «Dyam jaʼyñeʼ jeʼm malojpɨk pɨxiñtyam aktogoyyajtaap» (Salmo 37:10). Ikuyukmɨ jeʼm Dios iAn̈jagoʼoyi, Jesús iwatpa iga idyiñ paz y wɨwadoʼoyi ikuwɨtyi yɨʼp naxyukmɨ (maayɨʼ Isaías 11:4).

2. ¿Juʼutskomsɨ taitytyaʼmpa jesɨk in̈jakpam jeʼm Dios iAn̈jagoʼoyi yɨʼp Naxyukmɨ?

Jesɨk yɨʼp nas in̈jakpam jeʼm Dios iAn̈jagoʼoyi, «jeʼm ikupɨkyajpaʼap Dios initsɨʼyyajpa yɨʼp nas y jeʼeyaj iitykayajpa ityumpɨy jaama» (Salmo 37:29). ¡Kujɨɨsɨ juʼutskomom taitytyaʼmpa jesɨk ni i dyam imalwatpa, tantumpɨytyam tanatoytyamtaap y tantoytyaʼmpa Jehová! ¿Dyaʼ tamaymaywatpa? Ni i dyam mɨmneʼeba y ityumpɨyyaj ityyajpa juchixquej.

3. ¿Tyi iwatpa jeʼm Dios iAn̈jagoʼoyi okmɨ iga aktogoyyajtaap jempɨk dyaʼ ikupɨkyajpa Dios?

Okmɨ iga aktogoyyajtaap jempɨk dyaʼ ikupɨkyajpa Dios, Jesús tsɨʼyba juʼuts An̈jagoʼoyi por 1,000 amtyɨy. Dende peʼm tiempo, Jesús y jeʼm 144,000 iyooxpaʼtyajpa ityumpɨyyaj jempɨk ityyajpa yɨʼp naxyukmɨ iga iniityyajiñ tuum ityi y tuum jɨɨxi kukaʼpsnewɨʼɨp. Jesɨk kuyajpa jeʼm 1,000 amtyɨy, yɨʼp Nas tsɨʼyñeʼebam juʼuts tuum paraíso y ityumpɨyyaj maymayayajpa iga ikupɨkyajpa jeʼm Jehová ian̈kiʼmayoʼoyiyaj. Okmɨ, Jesús ikseedaʼyba jeʼm ian̈jagoʼoyi iJaatun̈ Jehová. Jesɨgam maaj wɨɨ kuaʼyba jeʼm Dios iñɨɨyi (Mateo 6:9, 10). Ityumpɨyyaj ijoodon̈ayajpa iga Jehová jeʼam jeʼm maaj wɨbɨk an̈jagoʼoyi y tsaam ityeguedaap jeʼm ikumun. Okmɨ Jehová iktogoyba jeʼm Wookkɨʼɨwiñ y jeʼm idemoniojyaj, y ityumpɨyyaj jempɨk in̈teeñkamokyajpa jeʼm ian̈jagoʼoyi (Apocalipsis 20:7-10). Ityumpɨy jeʼm wɨtampɨk kukaki iwatpaʼap jeʼm Dios iAn̈jagoʼoy itypa juchixkej.

 MAAJ TAN̈WƗKUYUJKAIÑ

4. Jeʼm Dios iAn̈jagoʼoyi iktogoyba jeʼm naxyukmɨpɨk an̈jagoʼoyiyaj

«Jeʼm pɨɨxiñ in̈jakneʼ tun̈gak pɨɨxiñ y namalwadayñeta» (Eclesiastés 8:9). Jehová iwɨtsakpa ityumpɨy jeʼm malwadoʼoyi ityyajwɨʼɨp yɨʼp naxyukmɨ ikuyukmɨ jeʼm iAn̈jagoʼoyi.

Maytyaʼamɨ Daniel 2:44 y 2 Tesalonicenses 1:6-8, y an̈mattaʼamɨ tyi iñjɨɨstaʼmpa y kutson̈taʼamɨ:

• ¿Tyi iwatyajpa Jehová y Jesús kun jeʼm naxyukmɨpɨk an̈jagoʼoyiyaj y jempɨk ikuyaʼgɨyyajpa?

• ¿Tyiʼiga in̈kupɨkpa iga Jehová y Jesús iwɨpɨkyajpa jeʼm ijɨɨxi y dyaʼ neejaixoyyajpa?

5. Jesús jeʼam jeʼm maaj wɨbɨk An̈jagoʼoyi

Juʼuts An̈jagoʼoyi, Jesús iwatpa wɨtampɨk tyidyin̈kej por ityumpɨy jempɨk ityyajpa yɨʼp naxyukmɨ. Aʼmtaʼamɨ jeʼm VIDEO iga tan̈kutɨʼɨyɨʼyiñ juutypɨk Jesús ikwiñkej iga iyooxpaʼttoʼoba jempɨk ityyaj yɨʼp naxyukmɨ, y Dios ichiʼiñeʼ jeʼm pɨɨmi iga wɨaiñ iwat.

Jempɨk Jesús iwat jesɨk oy yɨʼp naxyukmɨ, ikwiñkej tyityam iwatpa jeʼm Dios iAn̈jagoʼoyi. De ityumpɨy jeʼm jɨykamoʼoyiyaj tan̈kɨʼpin̈paʼap ¿juʼptam iñxunba mich iga kupaguiñam? Maytyaʼamɨ ityumpɨy jeʼm textos in̈matyajpaʼap yɨʼpyaj jɨykamoʼoyiyaj.

6. Jeʼm Dios iAn̈jagoʼoyi tachiʼiba tuum wɨbɨk ityi tannɨgɨyoʼoyijom

 JEMPƗK TAN̈KUYUJKAʼ

Ikuyukmɨ jeʼm iAn̈jagoʼoyi, Jehová ikkupakpa jempɨk ijɨɨsneʼ idyɨk dende wiñtyityim. Iwatpa iga yɨʼp nas tsɨʼyiñ juʼuts tuum paraíso y iitykayajpa jempɨk ikoosteñayyajpa Jehová juchixkej.

¿Iñjɨɨspanam?

• ¿Tyi iwatpa jeʼm Dios iAn̈jagoʼoyi iga ikkuaʼyaʼyba jeʼm Jehová iñɨɨyi?

• ¿Tyiʼiga tan̈wɨkupɨktaʼmpa iga jeʼm Dios iAn̈jagoʼoyi ikkupakpa jeʼm jɨykamoʼoyiyaj itywɨʼɨp Bibliajom?

• Ityumpɨy jempɨk iwatpa jeʼm Dios iAn̈jagoʼoyi, ¿juʼpɨk maaj iñaʼmtoʼobam mich?