Ikuwɨtyi yɨʼp naxyukmɨ jaʼyan̈yaj yaʼachayajpa y jeʼyukmɨ tsaam an̈yaʼkyajpa. ¿Oyñeʼ miñaskaʼ jeempɨk? Wɨapsɨ iga mimɨmneʼ o kaʼaneʼ tuum infamilia y yɨʼp sɨʼ miyaʼachwat, y wɨapsɨ iga minikwaʼktaap juchix kuyajpa yɨʼp yaʼachaaji. Jeʼm Dios In̈maatyi takpoʼkspa.

1. ¿Juʼp wɨbɨk an̈jogoʼoyi tan̈madaʼyba jeʼm Dios In̈maatyi?

Jeʼm Dios In̈maatyi tan̈madaʼyba tyiʼiga tayaʼachataʼmpa. Tan̈madaʼybatyim iga yɨʼpyaj yaʼachaajiyaj dyaʼ jaʼyyajpa, nuʼkpa jaama iga kuyajpa. Jempɨk nɨmpa jeʼm Dios In̈maatyi wɨap michiʼ «tuum an̈jogoʼoyi y tuum wɨbɨk nɨgɨyoʼoyi» (maayɨʼ Jeremías 29:11, 12). Yɨʼp jɨykamoʼoyiyaj tayooxpaʼttaʼmpa iga tanyaʼachɨytyaʼmiñ jeʼm kobakpiijiyaj sɨɨ y tamaymayataʼmiñ juchixkej.

2. ¿Tyi tanɨʼmaʼyba jeʼm Dios In̈maatyi iga naspa jeʼm tannɨgɨyoʼoyijom?

Jeʼm Dios In̈maatyi tan̈madaʼyba iga tannɨgɨyoʼoyijom «d́am más caaba jém pɨxiñt́am. D́a i̱ jém aŋyaaqui. D́am wejyajpa. D́am i̱ jém to̱ya» (maayɨʼ Apocalipsis 21:4). Dyam itypa jeʼm kobakpiijiyaj, jeʼm mɨmneʼiʼ, jeʼm kaʼiʼ y ityumpɨy jempɨk tayaʼachwattaʼmpa. Jeʼm Dios In̈maatyi in̈kejpa iga tantumpɨytyam wɨap tanaitytyaʼm tuum ityi dyapɨk kuyajpa jesɨk yɨʼp nas joomaseetneum.

3. ¿Tyi miyooxpaʼtpa iga in̈kupɨguiñ jempɨk tan̈kejaʼyba jeʼm Dios In̈maatyi?

Jaʼyan̈yaj ikujɨɨsyajpa iga jeʼm tannɨgɨyoʼoyijom maaj tawɨitytyaʼmpa, pero dyaʼ iwɨkupɨkneyaj iga nunta jeempɨgam naspa. Jeʼm Dios In̈maatyi dyaʼ tamɨgoyaʼyba. Wɨap tan̈kupɨk jempɨk tanɨʼmaʼyba siiga tanchokoykɨʼpin̈ba «jém aŋmat́i jém jayñewɨɨp» (Hechos 17:11). Siiga in̈wɨkuyujkaʼaba wɨap in̈kupɨk jempɨk naspa tannɨgɨyoʼoyijom.

 MAAJ TAN̈WƗKUYUJKAIÑ

4. Jeʼm Dios In̈maatyi tan̈kejaʼyba iga tanaitytyaʼmpa tuum ityi dyapɨk kuyajpa y tawɨitytyaʼmpa

Yɨʼɨm iñaʼmpa jeʼm jɨykamoʼoyiyaj tan̈kejaypaʼap jeʼm Dios In̈maatyi. ¿Juʼptam maaj in̈kusunɨʼyba? ¿Tyiʼiga?

Maytyaʼamɨ jeʼm Dios In̈matyijom jeʼm textos kejyajpaʼap yɨʼɨm, an̈mattaʼamɨ tyi iñjɨɨstaʼmpa y kutson̈taʼamɨ:

• ¿In̈kupɨkpa iga yɨʼpyaj textos tayooxpaʼtyajpa? Kujɨɨsɨ jeʼm infamilia y jeʼm iñamigojyaj, ¿iyooxpaʼtyajpatyim jeʼeyaj?

Kujɨɨsɨ iga miityum yɨkxkom:

 5. Tamaymaywatpa jeʼm an̈jogoʼoyi tachiʼipaʼap jeʼm Dios In̈maatyi

 JEMPƗK TAN̈KUYUJKAʼ

Jeʼm Dios In̈maatyi tan̈madaʼyba iga tannɨgɨyoʼoyijom tsaam tamaymayataʼmpa, yɨʼp tayooxpaʼttaʼmpa iga tawɨitytyaʼmiñ y tanyaʼachɨytyaʼmiñ.

¿Iñjɨɨspanam?

• ¿Tyiʼiga nasuntaap iga tanjoodon̈ataʼmiñ jempɨk Dios dyaʼ jaʼyñeʼ iwatpa?

• ¿Tyi nɨmpa jeʼm Dios In̈maatyi iga naspa tannɨgɨyoʼoyijom?

• ¿Juutypɨk miyooxpaʼtpa jeʼm an̈jogoʼoyi iñityijom?