AN̈KEJAYOʼOYI 03
¿Wɨap tan̈kupɨk jempɨk nɨmpa jeʼm Dios In̈maatyi?
Jeʼm Dios In̈maatyi tan̈madaʼyba jaʼyan̈ jɨykamoʼoyiyaj y an̈kiʼimiyaj. Wɨapsɨ iga mich iñjoodon̈atoʼoba tyi tan̈kejaʼyba. Pero wɨapsɨ iga dyaʼ ityumpɨy in̈kupɨkneʼ. ¿Wɨap tan̈kupɨk jeʼm jɨykamoʼoyiyaj y jeʼm an̈kiʼimiyaj tachiʼipaʼap tuum libro jempɨk tsaam wiñɨgam jayñeta? ¿Nunta wɨap tammaymayataʼm sɨɨ y tannɨgɨyoʼoyijom juʼuts nɨmpa jeʼm Dios In̈maatyi? Tsaam jaʼyan̈yaj iwɨkupɨkneyaj. Mich wɨaptyim iñjoodon̈a tyiʼiga iwɨkupɨkneyaj y wɨaptyim in̈kupɨk.
1. ¿Nunta nas jempɨk in̈matpa jeʼm Dios In̈maatyi?
Jeʼm Dios In̈maatyi nɨmpa iga iniity «nuntapɨk an̈matyiyaj» y wɨjaykunuʼkneta (Eclesiastés 12:10). In̈matpa nasɨyoʼoyiyaj iga nunta nasyaj y pɨxiñtyam y yomtam jaywɨʼɨp ityiyaj wiñɨk (maayɨʼ Lucas 1:3 y 3:1, 2). Jaʼyan̈yaj iwɨkutɨʼɨyɨyñeyaj iga peʼm an̈eymɨyaj, jeʼm pɨxiñtyam y jeʼm yomtam ijɨykimpaʼap jeʼm Dios In̈maatyi nunta jaʼy ityiyaj.
2. Tsaam wiñɨgam jayñeta jeʼm Dios In̈maatyi, jesɨk ¿tyiʼiga tan̈kupɨkpa jempɨk tan̈madaʼyba?
Dende wiñɨk, jeʼm Dios In̈maatyi in̈matneʼ nasɨyoʼoyiyaj iga jeʼm pɨxiñtyam dyanam idyɨk ijoodon̈yaj. Juʼuts akwiñkejoʼoyi, in̈matpa nasɨyoʼoyiyaj in̈kejpaʼap jeʼm ciencia. Y jesɨk jaykamta jeʼm Dios In̈maatyi jaʼyan̈yaj iniityyaj idyɨk tun̈gak jɨɨxiyaj. Pero sɨɨ, jeʼm ciencia ikwiñkejpa iga jeʼm Dios In̈maatyi dyaʼ mɨgoʼyba. Jempɨk nɨmpa jeʼm Dios In̈maatyi «dyaʼ jeʼ mɨgoʼoyi, juchixkej nuuman̈matpa» (Salmo 111:8).
3. ¿Tyiʼiga tan̈kupɨkpa jempɨk nɨmpa jeʼm Dios In̈maatyi iga naspa tannɨgɨyoʼoyijom?
Jeʼm Dios In̈maatyi iniity jɨychagoʼoyiyaj * jempɨk in̈matpa «jeʼm tyidyin̈kej iga dyanam nasneʼ» (Isaías 46:10). Iwɨan̈mat nasɨyoʼoyiyaj jaʼyan̈ amtyɨy wiñtyi iga kupakyajiñ. Tsaam iwɨan̈mattyim ityumpɨy jempɨk naspa ixɨʼ yɨʼp jaama. Yɨʼɨm tan̈kuyujkaʼaba weeñi jɨychagoʼoyiyaj in̈matpaʼap jeʼm Dios In̈maatyi y tan̈wɨkutɨʼɨyɨʼyba juutypɨk kupakyaj.
MAAJ TAN̈WƗKUYUJKAIÑ
Tanaʼmiñ juutypɨk jempɨk ikɨʼpin̈neʼ jeʼm ciencia tɨgɨykuʼmpa kun jempɨk nɨmpa jeʼm Dios In̈maatyi, tan̈kɨʼpin̈iñtyim weeñi jɨychagoʼoyiyaj in̈matpaʼap jeʼm Dios In̈maatyi.
4. Jeʼm ciencia iniity tumtyi jɨɨxi kun jempɨk nɨmpa jeʼm Dios In̈maatyi
Wiñɨk, jaʼyan̈yaj ikupɨkyajpa idyɨk iga jeʼm nas koʼppakneta. Aʼmtaʼamɨ jeʼm VIDEO.
Aʼmtaʼamɨ jempɨk tsaam wiñɨk ijaykunuʼk tuum pɨɨxiñ iñɨɨyi Job. Maytyaʼamɨ Job 26:7 y an̈mattaʼamɨ tyi iñjɨɨstaʼmpa y kutson̈taʼamɨ:
-
¿Tyiʼiga tagaʼman̈jakpa jesɨk jeʼm Dios In̈maatyi nɨmpa iga jeʼm nas «ity an̈tɨwan̈yukmɨ»?
Yaguiñ 200 amtyɨy nɨki iga kutɨʼɨyɨʼytya juutypɨk jeʼm nɨʼ seedɨyɨʼyba juuty tsukum. Pero tsaam wiñɨgam jeʼm Dios In̈maatyi in̈matneum idyɨk yɨʼp jɨɨxi. Maytyaʼamɨ Job 36:27, 28 y an̈mattaʼamɨ tyi iñjɨɨstaʼmpa y kutson̈taʼamɨ:
-
Jeʼm jɨɨxi jempɨk in̈matpa yɨʼp texto, ¿tyiapaʼap jempɨk maaj in̈kusunɨʼyba?
-
¿Miyooxpaʼtpa jempɨk immay iga maaj in̈kupɨguiñ jempɨk nɨmpa jeʼm Dios In̈maatyi?
5. Jeʼm Dios In̈maatyi in̈kejneum idyɨk weeñi nasɨyoʼoyiyaj
Maytyaʼamɨ Isaías 44:27-45:2 y an̈mattaʼamɨ tyi iñjɨɨstaʼmpa y kutson̈taʼamɨ:
-
¿Juutypɨk in̈mat jeʼm Dios In̈maatyi 200 amtyɨy wiñtyi iga aktogoytyaap idyɨk Babilonia?
Yɨʼp jɨychagoʼoyi kupak tuumtsam 540 amtyɨy wiñtyi iga nayba Jesús, jesɨk jeʼm Persiajpɨk an̈jagoʼoyi, iñɨɨyi Ciro, y jeʼm iejército iktogoyyaj Babilonia. Wiñtyi, iñeejakɨjayyaj jeʼm nɨʼ ityun̈ jempɨk ikuwooyxetneʼ idyɨk jeʼm tɨgan̈joj. Y jeʼm puerta an̈aʼychakneta idyɨk, jeʼyukmɨ tɨgɨyyaj y dyaʼ an̈ayaj. Nɨkiam tuumtsam 2.500 amtyɨy iga aktogoyñeta Babilonia, y dyaʼ wɨtsaksetneta. Aʼmɨ tyi in̈kejneum idyɨk jeʼm Dios In̈maatyi.
Maytyaʼamɨ Isaías 13:19, 20 y an̈mattaʼamɨ tyi iñjɨɨstaʼmpa y kutson̈taʼamɨ:
-
¿Juutypɨk kupak yɨʼp jɨychagoʼoyi?
Jemɨk Irak kejpa jutsa mu ichɨʼy Babilonia
6. Jeʼm Dios In̈maatyi in̈kejpa tyityam idyɨk naspa yɨʼp in̈an̈pɨgam jaama
Jeʼm Dios In̈maatyi in̈kejpa iga taitytyaʼmum jeʼm in̈an̈pɨgam jaama (2 Timoteo 3:1). Aʼmɨ iga jempɨk naspa ixɨʼ jɨychaknetawum idyɨk.
Maytyaʼamɨ Mateo 24:6, 7 y an̈mattaʼamɨ tyi iñjɨɨstaʼmpa y kutson̈taʼamɨ:
-
¿Juutypɨk in̈kejpa jeʼm Dios In̈maatyi jempɨk naspa idyɨk jeʼm in̈an̈pɨgam jaama?
Maytyaʼamɨ 2 Timoteo 3:1-5 y an̈mattaʼamɨ tyi iñjɨɨstaʼmpa y kutson̈taʼamɨ:
-
Juʼuts nɨmpa jeʼm Dios In̈maatyi, ¿juʼutspɨk jɨɨxi iniityyajpa idyɨk jaʼyan̈yaj yɨʼp in̈an̈pɨgam jaama?
-
¿Juʼptam iñaʼmneʼ mich?
WEEÑI NƗMYAJPA IGA: «Jeʼm Dios In̈maatyi numaaj cuentojtyim in̈matpa».
-
¿Tyi mikkupɨkpa iga jeʼm Dios In̈maatyi dyaʼ mɨgoʼyba?
JEMPƗK TAN̈KUYUJKAʼ
Jeʼm ciencia, jeʼm nasɨyoʼoyiyaj y jeʼm jɨychagoʼoyiyaj ikwiñkejyajpa iga jeʼm Dios In̈maatyi dyaʼ tamɨgoyaʼyba.
¿Iñjɨɨspanam?
-
¿Nunta nas jempɨk in̈matpa jeʼm Dios In̈maatyi?
-
¿Juʼp an̈kejayoʼoyi itywɨʼɨp jeʼm Dios In̈matyijom iniity tumtyi jɨɨxi kun jeʼm ciencia?
-
¿Mich in̈kupɨkpa iga jeʼm Dios In̈maatyi tanɨʼɨyɨyaʼyba juʼuts tannɨgɨyoʼoyi? ¿Tyiʼiga jeempɨk iñjɨɨspa?
JODON̈AAJƗNAM
¿Jɨɨxtyogoyba jeʼm Dios In̈maatyi kun jempɨk in̈kejpa jeʼm ciencia?
«¿Iniity tumtyi jɨɨxi jeʼm Dios In̈maatyi kun jeʼm ciencia?» (Artículo de jw.org)
¿Tyi in̈kejpa iga taitytyaʼmum «jeʼm in̈an̈pɨgam jaama»?
«Seis jɨychagoʼoyiyaj iga kupakyajpam ixɨʼ» (La Atalaya, 1 de mayo de 2011)
Aʼmɨ juutypɨk kupak jeʼm jɨychagoʼoyiyaj kun jeʼm Greciajpɨk an̈jagoʼoyi.
Aʼmɨ juutypɨk jeʼm Dios ijɨychagoʼoyiyaj iyooxpaʼt tuum pɨɨxiñ iga ikaguiñ ijɨɨxi.
«Dyaʼ idyɨk an̈kupɨkpa iga ity Dios» (La Atalaya, núm. 5 2017)
^ párr. 9 Jeʼm jɨychagoʼoyiyaj tan̈madaʼyba jeʼm Dios ijɨɨxiyaj, jempɨk naspa tannɨgɨyoʼoyijom.
