AN̈KEJAYYAJ IKUYOOXAYAJ DIOS
AN̈KEJAYOʼOYI 11
Mikutɨʼɨyɨyyajiñ tun̈gakyaj
Jɨɨxian̈chioʼoyi: «Miñɨmtaʼmpa an̈matyiyaj dyapɨk tan̈kaʼ ikutɨʼɨyɨytya» (1 Cor. 14:9, TNM).
Jempɨk Jesús iwat
1. Aʼmɨ jeʼm VIDEO o maayɨʼ Mateo 6:25-27. Okmɨ kɨʼpin̈ɨ yɨʼpyaj akwagoʼoyiyaj:
¿Tyi tan̈kejaytyaʼmpa jempɨk Jesús iwat?
2. Siiga tampɨkpa an̈matyiyaj kutɨʼɨyɨytyapaʼap, jempɨk tanamuruyajpa ijaamaktsɨʼyyajpa jeʼm an̈kejayoʼoyiyaj y nuʼkpa ianmajom.
Watkiʼpsɨ Jesús
3. Odoy jaʼyan̈waatɨ jempɨk sɨʼ inin̈mat. Odoy an̈madaʼayɨ jeʼm in̈kuyujkɨʼɨwiñ ityumpɨy jempɨk iñjoodon̈. An̈kejaʼayɨ numaaj jempɨk sɨʼ in̈kɨʼpin̈taʼm jeʼm totjaayijom. Jesɨk in̈wadaʼyba tuum akwagoʼoyi, an̈joʼokɨ iga jeʼm in̈kuyujkɨʼɨwiñ ikutson̈iñ. ¿Y siiga dyaʼ ijoodon̈ jeʼm kutson̈oʼoyi o ijɨykiʼmpa tun̈gak jɨɨxi iga dyaʼ i jeʼm Bibliajom? Wadaʼayɨ tun̈gak akwagoʼoyiyaj iga ikutɨʼɨyɨʼyiñ jeʼm an̈kejayoʼoyi. Siiga ikutɨʼɨyɨʼyum, wɨabam in̈kɨʼpin̈taʼm tun̈gak.
4. Iga wɨaiñ ikutɨʼɨyɨy tun̈gak an̈kejayoʼoyi, akjɨɨsɨ jempɨk ikuyujkaneum. Juʼuts akwiñkejoʼoyi, siiga mojpa ikuyujkaʼ de jeʼm aktsukumoʼoyi wɨap inikjɨɨs jempɨk jeʼ ikuyujkaneum iga tyi naspa kun jempɨk kaʼaneyajum.
5. Wɨkupiin̈ɨ juʼptam akwiñkejoʼoyi inin̈matpa. Wiñtyi iga impɨkpa jeʼm akwiñkejoʼoyi, nakwaʼktaajɨ: