AKTSUKUUMƗ MURUUJIYAJ
AN̈KEJAYOʼOYI 3
Wɨwadaʼayɨ tun̈gakyaj
Jɨɨxian̈chioʼoyi: «Jém tóyoypáppɨc […] d́a malo» (1 Cor. 13:4).
Jempɨk Jesús iwat
1. Aʼmɨ jeʼm VIDEO o maayɨʼ Juan 9:1-7. Okmɨ kɨʼpin̈ɨ yɨʼpyaj akwagoʼoyiyaj:
-
¿Tyi iwat wiñtyi Jesús: ikpɨs jeʼm pɨɨxiñ, o in̈maday jeʼm wɨtampɨk an̈matyiyaj? (Aʼmɨ Juan 9:35-38).
¿Tyi tan̈kejaytyaʼmpa jempɨk Jesús iwat?
2. Siiga tanteguedaap jempɨk tanamurupa wɨapsɨ iga maaj takumaton̈toʼoba.
Watkiʼpsɨ Jesús
3. Kutɨʼɨyɨɨyɨ juʼuts in̈jaam. An̈aʼmaʼayɨ juʼuts in̈jaam jempɨk inimurupa.
-
Nakwaʼktaajɨ: «¿Tyityamsɨ ikkobakpijpa? ¿Tyisɨ iyooxpaʼtpa o ikusuʼnɨʼyba?». Yɨʼpyaj akwagoʼoyiyaj wɨap miyooxpaʼt iga in̈wɨwadaʼyiñ tun̈gakyaj.
-
Siiga mojpa min̈maday juʼuts in̈jaam o juʼptam kobakpiijiyaj sɨʼ in̈an̈kamok, aʼmchiɨʼ iga min̈madaʼyiñ. Wɨkumaton̈ɨ, yɨʼɨmpɨgam inikwiñkejpa iga iñtyeguet.
4. Wɨjɨʼyaʼayɨ y akwiñkejaʼayɨ respeto. Juutypɨk tanjɨʼyaʼyba, tanakwiñkejpa siiga tanyaʼachan̈jaampa y tannunta yooxpaʼttoʼoba. Wɨjɨɨsɨ tyi miñɨmpa y juutypɨk. Odoy nɨɨmɨ algun tyi iga wɨap ichɨkkujoʼy.
5. Yooxpadoʼoyɨ. Siiga miwɨap, yooxpaʼatɨ. Jesɨk tan̈wɨwadaʼyba algun i wɨapsɨ iga maaj murutoʼoba.