¿Nuʼkpasɨ jaama iga Dios in̈jakpa yɨʼp nas?
¿Miñɨmpasɨ iga...
-
... jɨ?
-
... dyaʼ?
-
... dyaʼ anjoodon̈?
JEʼM BIBLIA NƗMPA
«Sɨɨp tanJa̱tuŋ Dios y jém tánO̱mi Cristo imɨɨchi it́u̱mpɨy jém naciónyaj jém it́yajwɨɨp yɨ́p naxyucmɨ. Sɨɨp Dios iŋjacpa yɨ́p mundo para siempre» (Apocalipsis 11:15, JÉM JOMIPƗC TRATO, LA LIGA BÍBLICA).
«Accámta̱p iga Rey iga it́u̱mpɨy tiempo iŋjaguiñ [...]. D́a nunca cuyajpa ipɨ̱mi iga aŋjagooyi» (Lucas 1:33).
TYI TAN̈KEJAʼYBA
-
Dios ikupin̈ juʼuts an̈jagoʼoyi jeʼm iMaanɨk Jesús, yɨʼp wɨbɨk an̈jagoʼoyi wɨap tayooxpaʼttam (Isaías 48:17, 18).
-
Dyam jaʼyñeʼ yɨʼp naxyukmɨ dyam itypa an̈yaʼaki y dyamtyim tamɨmnetaʼmpa (Apocalipsis 21:3, 4).
¿WƗAP TAN̈KUPƗK JEMPƗK NƗMPA JEʼM BIBLIA?
Jɨ, tanaʼmiñ tyiʼiga:
-
Jesús ikwiñkej tyi iwatpa jeʼm Dios iAn̈jagoʼoyi. Jeʼ in̈kejaʼy jempɨk ityun̈ɨyyajpa iga jesɨk in̈wejpaʼtyajpa Dios iwaʼkyajiñ yɨʼp An̈jagoʼoyi, y jeempɨgam kupaguiñ jeʼm Dios ijɨɨxi yɨʼp Naxyukmɨ (Mateo 6:9, 10). Yɨʼp An̈jagoʼoyi iktogoyba ityumpɨy jeʼm yaʼachaaji.
Jesɨgam jaʼy ityi yɨʼp Naxyukmɨ, Jesús ikwiʼk jempɨk dyaʼ iniityyaj tyi ikɨɨsyajpa, ikpɨs jeʼm mɨmneyajwɨʼɨp y iktsukum weeñi kaʼaneyajwɨʼɨp (Mateo 15:29-38; Juan 11:38-44). Yɨʼp tayooxpaʼtpa iga tan̈kutɨʼɨyɨʼyiñ tyi iwatpa jeʼm Dios iAn̈jagoʼoyi tannɨgɨyoʼoyijom (Apocalipsis 11:15).
-
Dyam jaʼyñeʼ jeʼm Dios iAn̈jagoʼoyi mojpam in̈jak yɨʼp Nas. ¿Juutypɨk tanjoodon̈tam? Jesús nɨm iga wiñtyi iga jeʼm Dios iAn̈jagoʼoyi mojpa in̈jak yɨʼp Nas, naspa idyɨk tyidyin̈kej dyapɨk wɨtam, juʼuts jeʼm an̈ajiyaj, jeʼm yuʼuʼ y jeʼm nasyɨʼɨxiyaj (Mateo 24:3, 7).
Yɨʼp jaama jeempɨgam naspa ixɨʼ. Jeʼyukmɨ wɨap tan̈kupɨk iga dyam jaʼyñeʼ jeʼm Dios iAn̈jagoʼoyi iktogoyba ityumpɨy jeʼm yaʼachaaji.
NAKWAʼKTAAJƗ
¿Juʼutskoom taitytyaʼmpa jesɨk mojpam in̈jak jeʼm Dios iAn̈jagoʼoyi?
Impadaʼyba ikutson̈oʼoyi en SALMO 37:29 e ISAÍAS 65:21-23.
Wɨapsɨ iga iñjoodon̈ato'obatyim
AIXPƗKTA’AMƗ
¿T́iiga wɨ̱ iga taŋcuyujcaiñ jém Dios Iŋma̱t́i?
Ja’yan̈ pɨxiñtyam ikuwɨtyi naxyukmɨ ipa’tneyaj je’m Dios In̈matyijom je’m kutson̈o’oyiyaj sɨ’pa’pɨk idyɨk ikua’myaj. Mantɨ’pta’mpa iga tan̈wagakuyujkata’miñ yɨ’p libro tsampɨk wɨɨ.
AN̈KEJAYO’OYIYAJ BIBLIAJOMPƗK
Tan̈wagakuyujkata’miñ je’m Dios In̈maatyi
Kuyujkaɨ’ je’m Biblia y dya’ i michega’yba.
