¿Iapaʼap sɨʼ in̈jak yɨʼp nas?
¿Miñɨmpasɨ iga...
-
... Dios?
-
... jeʼm an̈jagoʼoyiyaj?
-
... jeʼm Wookkɨʼɨwiñ?
JEʼM BIBLIA NƗMPA
«It́u̱mpɨy jém malopɨc pɨxiñt́am yɨ́p naxyucmɨ it́yaj jém Woccɨɨwiñ icɨɨjo̱m» (1 Juan 5:19, JÉM JOMIPƗC TRATO, LA LIGA BÍBLICA).
«Jeeyucmɨ jém Dios iMa̱nɨc oy yɨ́p naxyucmɨ iga iccuyajáypa jém Woccɨɨwiñ ipɨ̱mi» (1 Juan 3:8).
TYI TAN̈KEJAʼYBA
Wɨap tan̈kutɨʼɨyɨʼy tyiʼiga ity jaʼyan̈ kobakpiijiyaj y yaʼachaaji yɨʼp naxyukmɨ (Apocalipsis 12:12).
Wɨap tan̈kupɨk iga nuʼkpa jaama yɨʼp naxyukmɨ wɨkomaap (1 Juan 2:17).
¿WƗAP TAN̈KUPƗK JEMPƗK NƗMPA JEʼM BIBLIA?
Jɨ, tanaʼmiñ tyiʼiga:
-
Jeʼm Wookkɨʼɨwiñ dyam maaj in̈jakpa. Jehová Dios ipɨkneum ijɨɨxi iga iktogoyaʼyba jeʼm Wookkɨʼɨwiñ ian̈jagoʼoyi yɨʼp naxyukmɨ. Jehová ijɨykamnetyim iga iktogoyba ityumpɨy jeʼm malwadoʼoyi iga jeʼm Wookkɨʼɨwiñ iwatneʼ (Hebreos 2:14).
-
Dios ikupin̈neʼ Jesucristo iga in̈jaguiñ yɨʼp nas. Jesús dyaʼ jeex ijɨɨxi juʼuts jempɨk sɨʼ in̈jak yɨʼp nas. Jesús dyaʼ maloj, jeʼm Biblia nɨmpa iga «Dios ichac tu̱m ja̱ma iga icɨɨpiŋpa it́u̱mpɨy jém pɨxiñt́am, jém it́yajwɨɨp yɨ́p mundo. Iwɨ̱cɨɨpiŋpa con tu̱m pɨ̱xiñ jém iccámnewɨɨp juuts juez» (Hechos 17:31). Yɨʼp pɨɨxiñ jeʼ Jesucristo jeʼm Dios iMaanɨk.
-
Dios dyaʼ mɨgoʼyba. Jeʼm Biblia wɨnɨmpa iga «Dios d́a mɨgóypa» (Hebreos 6:18). Jeʼyukmɨ jesɨk Jehová ijɨykaʼmpa algun tyi, wɨap tan̈kupɨk iga ikkupakpa (Isaías 55:10, 11). Y ijɨykamneʼ iga «accáyayt́a̱p ipɨ̱mi jém Woccɨɨwiñ, jém iŋjacnewɨɨp» yɨʼp nas (Juan 12:31).
NAKWAʼKTAAJƗ
¿Juʼutskoom yɨʼp naxyukmɨ jesɨk dyam in̈jakpa jeʼm Wookkɨʼɨwiñ?
Impadaʼyba ikutson̈oʼoyi en SALMO 37:10, 11 y APOCALIPSIS 21:3, 4.
Wɨapsɨ iga iñjoodon̈ato'obatyim
CAMPAÑA ESPECIAL
¿T́iiga wɨ̱ iga taŋcuyujcaiñ jém Dios Iŋma̱t́i?
Ja’yan̈ pɨxiñtyam ikuwɨtyi naxyukmɨ ipa’tneyaj je’m Dios In̈matyijom je’m kutson̈o’oyiyaj sɨ’pa’pɨk idyɨk ikua’myaj. Mantɨ’pta’mpa iga tan̈wagakuyujkata’miñ yɨ’p libro tsampɨk wɨɨ.
AIXPƗKTA’AMƗ
Wa’akɨ iga mijooyaytyaiñ
Impa’tpa je’m Bibliajom je’m kutson̈o’oyi iga sɨ’ in̈kua’m o wɨixpɨkyaajɨ je’m Jehová in̈matkɨ’ɨwiñyaj.
