¿Wɨapnamsɨ ichukumyaj jempɨk kaʼaneyajum?
¿Miñɨmpasɨ iga...
-
... jɨ?
-
... dyaʼ?
-
... dyaʼ anjoodon̈?
JEʼM BIBLIA NƗMPA
«Dios icpɨspa jém caaneyajwɨɨp» (Hechos 24:15, JÉM JOMIPƗC TRATO, LA LIGA BÍBLICA).
TYI TAN̈KEJAʼYBA
Dyaʼ jespɨy tan̈yakpa jesɨk kaʼaba algun i iga tantoyba (2 Corintios 1:3, 4).
Dyaʼ takɨɨn̈ba iga takaʼaba (Hebreos 2:15).
Wɨap tan̈kupɨk iga jempɨk kaʼaneyajum tsukumyajpa (Juan 11:23, 24).
¿WƗAP TAN̈KUPƗK JEMPƗK NƗMPA JEʼM BIBLIA?
Jɨ, tanaʼmiñ tyiʼiga:
-
Dios tachiʼiñeʼ tañityi. Jeʼm Biblia nɨmpa iga Jehová jeʼam jempɨk «tachiiba tamvida tantu̱mpɨyt́am» (Hechos 17:24, 25; Salmo 36:9). Siiga wɨa mu ichiʼ jeʼm ityi a jeʼm animatyaj y taɨchtyam, wɨaptyim ichiʼxeet jeʼm iityi algun i iga kaʼaneum.
-
Wiñɨk jaama, Dios iktsukum weeñi jeʼm kaʼaneyajwɨʼɨp. Jeʼm Biblia ijɨykimpa ocho aktsukumoʼoyi, pɨxiñtyam y yomtam, weeñi mañiyajnam idyɨk y tun̈gakyaj jaamoyñeyajum. Weeñi aktsukumyajta jesɨk yaguiñ idyɨk kaʼaneyaj, pero tuum pɨɨxiñ nɨkpam cuatronajaama iga kaʼaneʼ idyɨk (Juan 11:39-44).
-
Dios iktsukumtoʼoba jempɨk kaʼaneyajum. Jehová dyaʼ ikusunɨʼyba iga takaʼataʼmiñ (1 Corintios 15:26). Jeʼyukmɨ iktsukumtoʼoba a ityumpɨyyaj jempɨk iniity ijɨɨxian̈jom, ixunba iga eybɨk ityyajiñ yɨʼp Naxyukmɨ (Job 14:14, 15).
NAKWAʼKTAAJƗ
Wɨapsɨ iga iñjoodon̈ato'obatyim
AIXPƗKTAʼAMƗ
¿T́iiga wɨ̱ iga taŋcuyujcaiñ jém Dios Iŋma̱t́i?
Ja’yan̈ pɨxiñtyam ikuwɨtyi naxyukmɨ ipa’tneyaj je’m Dios In̈matyijom je’m kutson̈o’oyiyaj sɨ’pa’pɨk idyɨk ikua’myaj. Mantɨ’pta’mpa iga tan̈wagakuyujkata’miñ yɨ’p libro tsampɨk wɨɨ.
AN̈KEJAYOʼOYIYAJ BIBLIAJOMPƗK
Tan̈wagakuyujkataʼmiñ jeʼm Dios In̈maatyi
Kuyujkaɨʼ jeʼm Biblia y dyaʼ i michegaʼyba.
