To̱mianeum
1. Agui wɨ̱tsocne jém ja̱ma,
yɨ́p cuque̱ja agui wɨ̱
y jém jonyaj tsa̱m wanyajpa,
tsucumyajpa jém caaneyajwɨɨp.
Sɨɨ tsa̱m pɨ̱mi mima̱ymay
y miámaŋjacne mich,
jém naxyucmɨ ju̱t́ miit́
tsa̱m id́ɨc to̱mianeum.
2. Tu̱mtu̱m ja̱ma tsa̱m tama̱ymay
iga taŋwɨɨd́a̱p jém nas
y tanámpa jáyaŋ mo̱ya,
sɨɨ it́u̱mpɨy agui wɨ̱ tanám.
Jém nɨɨtuŋ agui ju̱pa,
agui wɨ̱ tammatoŋtam.
Jém aŋyaaqui sɨɨ cuyaj,
tsa̱m id́ɨc to̱mianeum.
(PUENTE)
Tsa̱m wɨ̱ iga tawagait́,
tantɨ̱wɨtam it́yajt́im yɨɨm.
It́u̱mpɨy jo̱mi tanait́,
jém yaachwadooyi d́am i̱ yɨɨm.
3. Sɨɨ it́u̱mpɨyyaj wanyajpa,
y d́am t́i tatogoyáy.
Jém tañi̱t́i d́a cuyajpa,
jém tanJa̱tuŋ Dios tajɨycamáy.
Tsa̱m tama̱ymay cun Jehová Dios
iga d́a tajagaŋtsac,
jém iŋma̱t́i iccupac,
tsa̱m id́ɨc to̱mianeum.
(PUENTE)
Tsa̱m jáyaŋ a̱mt́ɨy manaŋjóc,
wɨa̱p mannuus juuts jáy aŋwat,
ama̱ymay jém ana̱nmajo̱m,
it́u̱mpɨy iccupac Jehová.
4. Sɨɨ tsa̱m to̱mianeum,
jém tanDios tajɨ̱ychagáy,
iccupacpa jém Iŋma̱t́i
iga jé d́a sɨ tamɨgoyáy.
Aŋcupɨcpa yɨ́p, it́u̱mpɨy,
y d́a i̱ wɨa̱p actsac,
jéam sɨ tanaŋjóctam,
iga sɨɨ tsa̱m to̱mianeum.
