Jesɨk tammaytyaʼmpa jeʼm Biblia, wɨɨ iga tan̈wɨkɨʼpin̈iñ iga tan̈kutɨʼɨyɨʼyiñ jempɨk sɨʼ tan̈kejay. Pero odoy numaaj tan̈wadyiñ iga tanaitytyoʼoba joodon̈oʼoyi. Tan̈wattoʼoba iga tañixpɨktoʼoba Jehová y juʼutspɨk jɨɨxiyaj y jaamoʼoyiyaj iniity, yɨʼp tayooxpaʼtpa iga majtyim tantoʼyiñ. Iga wɨaiñ tan̈wat jeempɨk, tanakwaʼktaiñ: «¿Tyi an̈kejaʼyba de Jehová jempɨk ammayñeʼ?».

Juʼuts akwiñkejoʼoyi wɨap in̈kuaʼm juutypɨk Jehová ikwiñkejneʼ jeʼm ityoyoʼoyi, jeʼm ijoodon̈oʼoyi, jeʼm iwɨwadoʼoyi y jeʼm ipɨɨmi. Pero Jehová iniitytyim tun̈gak jɨɨxiyaj y jaamoʼoyiyaj. ¿Juuty wɨap in̈kuaʼm información iga wɨaiñ in̈wɨkuyujkaʼ?

Impaʼtpa tuum lista juuty ijɨykiʼmpa maaj de 50 jɨɨxiyaj y jaamoʼoyiyaj iniitywɨʼɨp Jehová en jeʼm Índice de las publicaciones Watch Tower. Nɨkɨ juuty nɨmpa «Jehová» y okmɨ juuty nɨmpa «Cualidades por nombre». Aʼmɨ juʼp jɨɨxi y jaamoʼoyi tɨgɨykuʼmpa kun jempɨk immayñeʼ, y okmɨ maayɨʼ jempɨk impaʼt.