Tan̈koosteñaytyaʼmpa Jehová kun jeʼm tɨwɨtam, jeʼm an̈tuʼumaajijom y jeʼm mɨjtampɨk an̈tuʼumaajiyaj. Pero tan̈koosteñaytyaʼmpatyim tan̈kutyum y kun tanfamilia. Yɨʼɨm impaʼtpa weeñi jɨɨxian̈chioʼoyiyaj iga wɨap miyooxpaʼt:

• Tan̈kuyujkaiñ jempɨk kɨʼpin̈taap jeʼm an̈tuʼumaajijom. Wɨaptyim tan̈kuyujkaʼ tan̈wan jeʼm waañiyaj y tan̈wɨtsaguiñ jeʼm tan̈kutson̈oʼoyiyaj.

• Tammayiñ tuum nasɨyoʼoyi itywɨʼɨp Bibliajom. Okmɨ, wɨap tan̈wat tuum dibujo o tanjaykunuʼguiñ jempɨk tan̈kuyujkaʼ kun jeʼm nasɨyoʼoyi tammaywɨʼɨp.

• Tan̈kuyujkaiñ jeʼm an̈wejpadoʼoyi iwatwɨʼɨp tuum pɨɨxiñ o tuum yoomoʼ jɨykimtapaʼap Bibliajom. Tan̈kujɨɨxiñ juutypɨk tayooxpaʼtpa tan̈wɨwat tanan̈wejpadoʼoyi.

• Tanaʼmiñ tuum video de jw.org. Okmɨ wɨap tanan̈mat kun tanfamilia o wɨaptyim tanjaykunuʼk tyi tan̈kejay.

• Tanawɨtsaktaiñ jesɨk taputpa jeʼm an̈matkuyjom. Wɨap tan̈kuyujkaʼ tyi nɨkpa tanan̈mat.

• Tanaʼmiñ tyityam iwatneʼ Jehová y tan̈kujɨɨxiñ tyi tan̈kejaʼyba de jeʼ. Siiga taity kun tanfamilia, tanan̈mattaʼmiñ tyi tan̈kejaytyaʼm. a