JEʼM an̈maatyi griega «carro» iga pɨkta en jeʼm Traducción del Nuevo Mundo dyaʼ numaaj pɨktaap para tuum clase de vehículos (Hech. 8:​28, 29, 38). Jeʼm vehículo jempɨk iñɨkkaʼiʼ idyɨk jeʼm Etiopíapɨk pɨɨxiñ maaj mɨj y dyaʼ jeex juʼuts jempɨk ipɨkyajpa idyɨk jeʼm soldados o jempɨk pɨkyajtaap en jeʼm carreras. Tan̈kɨʼpin̈iñ tyiʼiga tanɨmpa jeempɨk.

Jeʼm Etiopíapɨk pɨɨxiñ iniity idyɨk tuum teguedɨʼɨyi y tsaam juʼumjom oy. Yɨʼp pɨɨxiñ jeʼ tuum «mɨjpɨc aŋjagooyi [ . . . ], tesorero. Iccáyáypa jém yo̱mpɨc aŋjagooyi it́umiñ. Jém yo̱mo iŋjacpa jém naxyucmɨ de Etiopía. Iñɨ̱yi [ . . . ] Candace» (Hech. 8:27). Peʼm tiempo, Etiopía in̈pɨgayñeʼ idyɨk juuty sɨɨ ity Sudán y Egipto ikunaxwiñ. Wɨapsɨ iga dyaʼ tumtyi vehículo iñɨkkaʼ mex iga jaʼyan̈ tyikej inisɨʼɨba idyɨk. En jeʼm wiñtyipɨk siglo dyaʼ tumtyi clase de vehículos pɨkyajtaap idyɨk. Tuum de jeʼeyaj jeʼ jeʼm carruajes iga iniityyaj cuatro illanta y an̈nuʼkneyaj idyɨk yukmɨ. Tuum obra de estudio bíblico nɨmpa: «Yɨʼpyaj carruajes iyajpa tyidyin̈kej, dyaʼ idyɨk jespɨy takkuʼyakaʼaba y wɨapsɨ iga maaj juʼumjom wɨap idyɨk iñɨkkata» (Acts—An Exegetical Commentary).

Jeʼm etíope sɨʼ idyɨk imay jeʼm Dios in̈kiʼmayoʼoyi jesɨgam Felipe ikunuʼk. Jeʼm Biblia nɨmpa iga «póyaŋtsucum jém Felipe, cuando icunúc noco, imatoŋ iga sɨ́p imay jém libro jém ijayñewɨɨp Isaías» (Hech. 8:30). Jeʼm carruajes jempɨk nɨkkayajtaap idyɨk tun̈gak an̈eymɨ dyaʼ watyajta iga jikskɨy wityyajiñ, nɨkyajpa idyɨk chokoymɨ. Jeʼyukmɨ jeʼm Etiopíapɨk pɨɨxiñ wɨaneʼ idyɨk iletra may y Felipe wɨa mu iktsɨʼy poyjiimɨ.

Jeʼm etíope iñɨʼmay Felipe «mi̱ñɨ tawagaco̱ñi yɨ́p carretajo̱m» (Hech. 8:31). Jeʼm carros pɨktapaʼap idyɨk en tuum carrera, teeññeʼeba idyɨk iñɨk jempɨk ininɨkpa. Pero jeʼm carruaje jempɨk iñɨkkaʼiʼ idyɨk jeʼm pɨɨxiñ dyaʼ jeex, jeʼyukmɨ jeʼ y Felipe wɨap idyɨk ikooñyaj.

Kun jempɨk nɨmpa jeʼm capítulo 8 de Hechos y jempɨk in̈kejneʼ jeʼm historia, sɨɨ jeʼm dibujojyaj juuty kejpa jeʼm Etiopíapɨk pɨɨxiñ dyam an̈kejtaap en tuum carro de guerra o de carrera, an̈kejtaap en tuum carro maaj mɨjpɨk.