Weeñiyaj akwaʼgoyyajpa
Salmo 12:7 nɨmpa: «Mich in̈kuixyajpa». ¿Tyi nɨmtoʼoba yɨʼp an̈maatyi, ikuixpa «jempɨk yaʼachayajpa» (versículo 5), o ikuixpa «jeʼm in̈maatyi» (versículo 6)?
Jempɨk wiñtyi in̈matpa takkutɨʼɨyɨʼyba iga sɨʼ ijɨykiʼm personas.
Salmo 12:1-4, wiñtyi David nɨm «jempɨk mikoosteñayyajpa aktogoyñeyajtawum jeʼm pɨxiñtyamman̈jom». Tan̈kɨʼpin̈taʼmiñ jeʼm versículo ijɨykimwɨʼɨp jeʼm akwagoʼoyi: Salmo 12:5-7.
«‹Por jempɨk yaʼachayajpa,
jempɨk soʼpsneyajum,
atsukumpa y anyooxpaʼtyajpa›, nɨmpa Jehová.
‹An̈kɨakputyajpa iga tsaam jooyixyajtaap›.
Jeʼm Jehová in̈matyiyaj tsaam kuaʼyñeʼ;
jeex juʼuts jeʼm plata iga akyumneta siete veces tuum hornojom iga wɨkuaʼyñeiñ.
Mich in̈kuixyajpa, oh, Jehová;
mich in̈kuixyajpa tumtum yɨʼp generación y juchixkej».
Jeʼm versículo 5 in̈kejpa iga Dios ikɨakputpa jempɨk «yaʼachayajpa».
Jeʼm versículo 6 nɨmpa: «Jeʼm Jehová in̈matyiyaj tsaam kuaʼyñeʼ jeex juʼuts jeʼm plata iga akyumneta hornojom». Y taɨchtyam tan̈wɨkupɨktaʼmpa yɨʼpyaj an̈matyiyaj (Sal. 18:30; 119:140).
Tanaʼmtaʼmiñ sɨɨ jeʼm tun̈gak versículo, Salmo 12:7: «Mich in̈kuixyajpa, oh, Jehová; mich in̈kuixyajpa tumtum yɨʼp generación y juchixkej». ¿Tyi nɨmtoʼoba yɨʼp an̈matyiyaj in̈kuixyajpa y tumtum?
Iga yukmɨ de jeʼm versículo 7 nɨmpa «jeʼm Jehová in̈matyiyaj» wɨapsɨ iga weeñiyaj wɨap ikutɨʼɨyɨyyaj iga Jehová sɨʼ ikuix jeʼm ian̈matyiyaj. Y tanjoodon̈tam iga Dios ikuix o ikupujneʼ jeʼm Biblia iga jaʼyan̈ ienemigojyaj iktogoyyajtoʼoba idyɨk (Is. 40:8; 1 Ped. 1:25).
Pero jeʼm versículo 5 nɨmpatyim, iga Jehová iyooxpaʼtneʼ y ikɨakputneʼ jempɨk «yaʼachayajpa» y seguido iwatpa jeempɨk (Job 36:15; Sal. 6:4; 31:1, 2; 54:7; 145:20).
Jesɨk, ¿tyi nɨmtoʼoba jeʼm an̈matyiyaj in̈kuixyajpa y tumtum juʼuts nɨmpa jeʼm versículo 7?
Kun jempɨk tan̈kɨʼpin̈netaʼm takkutɨʼɨyɨʼyba iga ikuixpa ityumpɨy jempɨk ikupɨkyajpa.
Salmo 12:1, 2 nɨmpa iga jaʼyan̈yaj tsaam idyɨk imɨgoyayyajpa jempɨk ikupɨkyajpa Jehová. Okmɨ nɨmpa iga iktogoyba ityumpɨy jempɨk mɨgoyyajpa. Jeʼm salmo takkupɨkpa iga Dios ikupujpa ikumun iga jeʼm in̈maatyi kuaʼyñeʼ.
Jeʼyukmɨ jesɨk jeʼm versículo 7 nɨmpa «mich in̈kuixyajpa» y «mich in̈kuixyajpa tumtum», sɨʼ ijɨykiʼm jempɨk yaʼachaap ixɨʼyaj.
Jeʼm texto masorético ipɨk jeʼm an̈maatyi tan̈kɨʼpin̈netawɨʼɨp. Y jeʼm versión griega ijɨykiʼmpa wɨskɨy jeʼm an̈maatyi taɨchtyam iga nɨmtoʼoba jempɨk yaʼachaap ixɨʼyaj — en Salmo 12:7 (11:8, Septuaginta). Jeʼm versículos 7 y 8 nɨmpa iga Jehová kuixpa «tumtum» jempɨk ikupɨkpa, yɨʼp nɨmtoʼoba iga ikupujpa jempɨk sɨʼ imalwadayajta (Sal. 12:7, 8). Tuum libro arameo yɨʼɨmpɨk ijaykunuʼkneʼ jeʼm versículo 7: «Mich, jeʼm miOMI, in̈kupujyajpa jempɨk iwɨwatyajpa, mich in̈kuixyajpa juchixkej dende yɨʼp generación mex iga ity malwadoʼoyi. Jeʼm malojyajpɨk ityyaj jutykej, jeexyaj juʼuts jeʼm sietecuero iga ichutsayyajpa iñɨʼɨpiñ jeʼm pɨxiñtyam imanɨktam». Kun jempɨk tan̈kɨʼpin̈netaʼmum takkutɨʼɨyɨʼyba iga Salmo 12:7 dyaʼ sɨʼ ijɨykiʼm jeʼm Dios inmatyiyaj.
Yɨʼp versículo takkupɨkpa iga jempɨk «ikoosteñayyajpa» Jehová juchixkej kupujyajtaap.
