Maayɨʼ Génesis 37:​23-28; 39:​17-23 iga iñaʼmiñ juutypɨk yaʼachwattaap José.

Kuaʼmɨ maaj información. ¿Tyiʼiga yaʼacha José? (Gén. 37:​3-11; 39:​1, 6-10). ¿Juʼtsan̈ tiempo iyaʼachɨy? (Gén. 37:2; 41:46). Jesɨgam iñaskaʼ yɨʼɨmpɨk, ¿juutypɨk Jehová iyooxpaʼt José, y tyi dyaʼ iwat? (Gén. 39:​2, 21; w23.01 17 párr. 13).

Wɨkupin̈ɨ. Jeʼm Biblia dyaʼ in̈matpa siiga José nakupujta jesɨgam jeʼm Potifar iyoomo ikujɨy. Siiga jeempɨgam iwat, ¿tyiʼiga dyaʼ nakupujta? (Aʼmɨtyim Proverbios 20:2 y Hechos 21:37). ¿Tyiʼiga jeʼm Biblia dyaʼ in̈matpa ityumpɨy? (Aʼmɨtyim Juan 21:25). ¿Juʼptam cualidades iyooxpaʼt José iga iyaʼachɨʼyiñ? (Miq. 7:7; Luc. 14:11; Sant. 1:​2, 3).

Kujɨɨsɨ tyi min̈kejaʼyba. Nakwaʼktaajɨ:

• «¿Juʼutspɨk yaʼachaaji wɨap an̈an̈kamok iga antun̈ɨʼyba Jesús?» (Luc. 21:​12, 16, 17; Heb. 10:​33, 34).

• «¿Tyi ayooxpaʼtpa iga wɨaiñ anyaʼachɨy jesɨgam ayaʼachwattaap?» (Sal. 62:​7, 8; 105:​17-19; w19.07-S 2-7).