¿Iñxunba iga miwɨwadaʼyiñ jempɨk in̈kuyujkaʼaba iñyaʼak? Yɨʼpyaj jɨɨxian̈chioʼoyi wɨap miyooxpaʼtyaj:

• Kuaʼmɨ juuty wɨap in̈wɨkuyuj. Kuaʼmɨ juuty wɨkejpa iñaʼm jempɨk immayba. Kuaʼmɨtyim juuty wɨap in̈kooñ. Naityi tuum mesa siiga iñjaykamtoʼoba tuum jɨɨxi y wɨaptyim imput an̈nasmɨʼ.

• Kuaʼmɨ juuty wɨap iñity in̈kutyum. Jeempɨgam iwat Jesús. Put «piichcɨɨmnam» iga «nɨc iŋwejpát Dios» (Mar. 1:35). Siiga dyaʼ miwɨap iñity in̈kutyum iga in̈waganaity iñfamiliares, an̈madayyaajɨ jesɨk mikuyujpa.

• Odoy aʼmchiɨʼ iga mimoʼogɨʼyiñ algun tyi. Siiga impɨkpa iñtélefono o iñtableta, an̈wityñuʼukɨ iga odoy an̈jɨyiñ jesɨk mikunuʼkpa tuum mensaje. Y jesɨk sɨʼbam in̈kuyuj, siiga iñjɨɨspa algun tyi iga dyanam in̈watneʼ, jaykunuʼukɨ iga wɨaiñ in̈wat maaj okmɨ. Siiga tan̈kaʼap in̈kutɨʼɨyɨy jempɨk sɨʼ in̈kuyujkaʼ, tsukuumɨ y poy jeejɨ.