¿TAN̈KAʼ in̈wɨkuyuj iñyaʼak tumtum semana? ¿Dyaʼ in̈kusuʼnɨʼyba? Tantumpɨytyam wɨap tannaskataʼm jeempɨk. Tumtum jaama tan̈wattaʼmpa jaʼyan̈ tyidyin̈kej y watykɨy tan̈kaʼ tan̈wattaʼm, juʼuts jesɨk tachin̈taʼmpa. ¡Pero jesɨk yajum tachiin̈i wɨam tanan̈jaam! Jeempɨktyim naspa jesɨk tan̈kuyujkaʼaba jeʼm Biblia, keʼnam jesɨk tachin̈ba kun jeʼm Dios In̈maatyi (Efes. 5:26). Yɨʼpyaj jɨɨxian̈chioʼoyiyaj wɨap miyooxpaʼt:

• Waatɨ tuum programa. Tuum cristiano ni keman odoy ichaguiñ iga wɨkuyujpa iyaʼak (Filip. 1:10). Iga odoy ikujaʼamaʼyiñ wɨɨ iga ichaguiñ jeʼm iprograma juuty wɨap iaʼm. Wɨaptyim ikkaʼm tuum alarma icelularjom iga ikjɨɨxiñ juchix hora kuyujpa.

• Kuyuujɨ juutypɨgam maaj in̈kusuʼnɨʼyba. Weeñiyaj jaʼyan̈ ikuyujkayajpa pero tun̈gakyaj iwatyajpa uxtyam uxtyam. ¿Mich juutypɨk in̈watpa? Waatɨ tuum programa y kujɨɨsɨ juʼtspɨy mikuyujpa. Y siiga mixoʼpsneʼ y dyaʼ mikuyujtoʼoba, kuyuujɨ numaaj 10 minutos. Wɨapsɨ iga dyaʼ juʼchan̈, pero miyooxpaʼtpa. Y jesɨk sɨʼbam in̈kuyuj wɨapsɨ iga majnam in̈kuyujkatoʼoba (Filip. 2:13).

• Kujɨɨsneɨ tyi jempɨk wɨap in̈kuyujkaʼ. Siiga mojpa mikuyuuji y yaguiññam mojpa in̈kɨʼpin̈ tyi in̈kuyujkaʼaba dyaʼ sɨʼ in̈wɨpɨk iñtiempo (Efes. 5:16). ¿Tyiʼiga dyaʼ iñjaykunuʼkpa tyityam in̈kuyujkatoʼoba? Jesɨk iniitypa tuum akwagoʼoyi jaykunuʼukɨ, y siiga mikuyujpam iñxɨʼ y impaʼtpa tyiñam wɨap in̈kuyujkaʼ jaykunuʼukɨtyim.

• Kaakɨ juutypɨk mikuyujpa. Odoy kujaʼamaʼayɨ iga mikuyujpa tumtum semana. Siiga nasuntaap kukagaʼayɨ juʼp jaama mikuyujpa, juchix hora y tyi in̈kuyujkaʼaba.

Siiga juchixkej in̈wɨkuyujkaʼaba jeʼm Biblia miyooxpaʼtpa iga majnam in̈kunuʼguiñ Jehová, in̈wɨpɨkpa iñjɨɨxi y miwɨnɨgaʼyba (Jos. 1:8).