Jemum idyɨk mojpa tɨgɨyñɨɨmi. Y ¿juʼtspɨy idyɨk iyukmɨ? Jesɨk dyanam idyɨk nuʼkneʼ jeʼm amtyɨy 2023, jeʼm Traducción del Nuevo Mundo nɨmpa idyɨk «iga juuty mojpa tanuʼuki 20 codos idyɨk iwɨtyi y 120 iyukmɨ» (2 Crónicas 3:4). Tun̈gak traducción nɨmyajpatyim iga jeʼm tɨgan̈koobak juuty mojpa tanuʼuki 120 codos iyukmɨ, nɨmtoʼoba idyɨk iga iniity 53 metros.

Pero jeʼm amtyɨy 2023 yɨʼp versículo kukagaytya en jeʼm Traducción del nuevo Mundo, sɨɨ nɨmpa iga iniity 20 codos iyukmɨ, yɨʼp nɨmtoʼoba iga iniity idyɨk 9 metros, tan̈kɨʼpin̈taʼmiñ tyiʼiga kukagaytya. a

Jeʼm libro 1 Reyes dyaʼ idyɨk in̈matpa juʼtsan̈ codo iniity. En 1 Reyes 6:3 Jeremías in̈matpa idyɨk juʼtsan̈ iyagats y juʼtsan̈ iwɨtyi, pero dyaʼ idyɨk in̈matpa juʼtsan̈ iyukmɨ. Maaj okmɨ en jeʼm tun̈gak capítulo iwɨan̈mat juʼuts idyɨk jeʼm templo, jeʼm Mar de metal fundido, jeʼm diez carritos y jeʼm wɨsteen kom de cobre iga ity idyɨk juuty wiñtyi mojpa tanuʼuki (1 Rey. 7:​15-37). Siiga jeʼm tɨgan̈koobak juuty mojpa tanuʼuki iniity idyɨk cincuenta metros, jesɨk jeʼam idyɨk maaj mɨj que jeʼm templo. Jesɨk, ¿tyiʼiga Jeremías dyaʼ ijɨykiʼm? Maaj okmɨ jeʼm historiadores in̈matyaj iga jeʼm tɨgan̈koobak juuty mojpa tanuʼuki dyaʼ jespɨy iyukmɨ juʼuts jeʼm templo.

Weeñiyaj jempɨk maaj ikutɨʼɨyɨyyajpa tan̈kaʼ ikupɨkyaj iga jeʼm tɨgan̈koobak ikpɨɨmaap jeʼm templo iga iniity 120 codos. Pekam jesɨk watyajtaap idyɨk tuum mɨjpɨk tsaʼtɨk juʼuts jeʼm templo ityyajwɨʼɨp idyɨk Egipto, juuty mojpa idyɨk iktsukumta wɨtyi an̈pɨgaytyaap y okmɨ wayayaap iñɨk.Pero jeʼm templo iwatwɨʼɨp Salomón dyaʼ idyɨk jeex y jempɨk tsaam kuyujneyaj in̈matyajpa iga jeʼm paredes iniity idyɨk 2,7 metros ipɨm. Jeʼm arquitecto Theodor Busink nɨmpa: «Siiga jeʼm pared xutyu dyaʼ idyɨk ikɨʼyba jeʼm tɨgan̈koobak iga iniity idyɨk 53 metros».

Wɨapsɨ iga jɨɨxtyogoyyaj jesɨk ijayputyaj 2 Crónicas 3:4: Jempɨk pekam ijaykunukyaj jeʼm Biblia nɨmyajpa iga iniity idyɨk 53 metros, pero jempɨk ichokoykɨʼpin̈yaj nɨmyajpa iga iniity 20 metros juʼuts jeʼm Códice alejandrino (del siglo quinto) y jeʼm Códice ambrosiano (del siglo sexto). ¿Tyiʼiga jɨɨxtyogoyyaj? Iga jeʼm an̈maatyi cien y codos jeextyim, jeʼyukmɨ jesɨk jayputta juuty akkamta 20 akkamta 120.

Wɨɨ iga tan̈kutɨʼɨyɨytyaʼmiñ juʼuts idyɨk jeʼm templo de Salomón, pero jempɨk maaj wɨɨ iga tan̈kutɨʼɨyɨytyaʼmiñ jeʼ iga jeʼm templo ikwiñkejpa jeʼm templo espiritual, tsaam tamaymaytyam iga Jehová tan̈wejayñetaʼm iga tan̈kujiʼptaʼmiñ en yɨʼp mɨjpɨk templo espiritual (Heb. 9:​11-14; Apoc. 3:12; 7:​9-17).