Nan tepin pahret, kitail pahn ahneki ahnsou laud en kaunopada ong Kataman en pwoulahn Kraiso. Ma Katamano pahn wiawi ni rahn akan sang Niehd lel Nialem, atail Mihting en Mour oh Kalohk sohte pahn wiawi nan wihko. Ma Katamano pahn wiawi ni imwin wihko, padahk ong wehi pokon oh onop en Kahn Iroir sohte pahn wiawi. Ke pahn kak doadoahngki mwahu ahnsou wet nan omw koasoandi? Duwehtehte ni mwehin wahnpoaron ko, koasoandi mwahu kan kin anahne wiawihda ong soangen ahnsou kesempwal duwehte met. (Lu 22:7-13; km 3/15 1) Ahpw kitail koaros pahn anahne kaunopada atail mohngiong. Ia duwen atail kak wia met?

• Kasalehda kesempwalpen en iang towehda.​—1Ko 11:23-26

• Kapakap oh medemedewe duwen pein omw nanpwungmwahu rehn Siohwa.​—1Ko 11:27-29; 2Ko 13:5

• Wadek oh doudouloale iren Paipel kan me kin koasoia wehwehn Katamano.​—Soh 3:16; 15:13

Ekei sounkalohk kan kin wadek oh doudouloale wadawad en Paipel ong Kataman me mi nan Tetehk Paipel Ehuehu Rahn. Ekei kin wadek iren Paipel kan me mi nan koakon me mi pah. Pil ekei kin kousapahlih ire kan nan Kahn Iroir me kin koasoia duwen Katamano oh limpoak me Siohwa oh Sises ketin kasalehiong kitailehr. Sohte lipilipil soangen onop dah me ke pilada, onop wet en uhdahn kakerenihukala rehn Siohwa oh sapwellime Ohlo.