Seikop ese me Siohwa ketin warohng kaudok me ong ih kelehpw, mehnda ma E saikinte ketikihda kosonned me uhwong pwongih dikedik. (Eks 20:3-5) Eri mwurin Siohwa eh ketin mahsanihong ih en pwurala Pedel, Seikop kaweidki koaros me kin mi reh ren kesehla neirail dikedik kan. Seikop eri kesehla dikedik kan, iangahki tiati kan me re kin tiehda nin duwen mehn silasil kei. (Sen 35:1-4) Kitail kak kamehlele me Siohwa ketin kupwurperenkihda wiewiahn Seikopo.

Nan atail ahnsou, ia duwen atail kak kaudokiong Siohwa kelehpw? Mehkot kesempwal kitail en wia iei en kesehla mehkot me pidada pwongih dikedik de katieni. Met kin iangahki kesehla mehkot me pidada akmanaman oh pil en tehk atail mehn kamweit kan ni keneinei. Eri, pein idek rehmw: ‘I kin perenki pwuhk kan de kasdo kan duwen vampire, zombies, de akmanaman? Ahi mehn kamweit kan kin kasalehda akmanaman, mesehl, de keria nin duwen kamweit me sohte keper?’ Kitail en kadohwaneweisang kitail dahme Siohwa ketin kalahdeki.​—Mel 97:10.

KILANG KISIN KASDO “OPPOSE THE DEVIL,” OH MWURI SAPENGALA PEIDEK PWUKAT:

• Kahpwal dahieu me pwarada nan mouren tohnsukuhl en Paipel me adaneki Palesa?

• Dahme kahrehda e wia elen erpit en rapahki sawas sang elder kan ma emen ahneki kahpwal me pid wunahni?

• Ma kitail men Siohwa en ketin pere kitail, soahng dah kan me kitail anahne kesehla?

• Dahme Palesa koasoanehdi en wia?

• Nan omw wasahn kousoan, ia ekei ahl en soikala manaman en ngehn suwed kan?