DAHME KAHREHDA E KESEMPWAL: Sawasepen Paipel koaros me mi nan neitail Koakon en Kasukuhl kin dokedoke jw.org. Ni mehlel, kahrepe keieu me kisin doaropwehn JW.ORG (contact card) oh doaropwe me oaralape Ia Wasa Kitail Kak Diarada Ie Pasapengpen Peidek Kesempwal kan nan Atail Mour? ara wiawihda, iei en kaweidlahng aramas akan ni neitail website. Ke kak kihong emen ehu sawasepen Paipel sang nan neitail Koakon en Kasukuhl ni omw doadoahngki jw.org pwehn email oh kadaralahng emen ehu pwuhk de kadarala link. Met uhdahn kak sawas ni omw pahn kalohk ong emen me kin lokaiahki ehu lokaia tohrohr. Patehng met, aramas akan ele pahn idek peidek kan me pasapengpe miher nan sawasepen Paipel kan me sohte dierek nan neitail Koakon en Kasukuhl. Ma kitail kak rapahki nan neitail website, kitail kak pweida laud nan atail doadoahk en kalohk.

IA DUWEN OMW PAHN WIA MET:

• Doadoahngki “BIBLE TEACHINGS” tab. Medewehla me ke kalokalohk ong pahpa de nohno me men kalaudehla ara ese duwen en kakairada seri. Kohla nan BIBLE TEACHINGS > MARRIAGE & FAMILY.

• Doadoahngki “SAWASEPEN PAIPEL KAN” tab. Medewehla me ke kalokalohk ni wasahn sukuhl oh ke men ehukihong iengomw tohnsukuhlo kisin pwuhk Pasapeng kan ong Peidek 10 me Pwulopwul kan Kin Idek. Kohla nan SAWASEPEN PAIPEL KAN > PWUHK KAN OH KISIN PWUHK KAN.

• Doadoahngki “DUWEN KIHT” tab. Medewehla me ke kalokalohk ong iengomw tohn doadoahk men me pahn perenki wadek kawehwe mwotomwot ehu en dahme kitail kin kamehlele. Kohla nan ABOUT US > FREQUENTLY ASKED QUESTIONS.

KILANG KISIN KASDO NAVIGATING JW.ORG, OH MWURI, TEHK IA WASA KE PAHN KOHLA NAN WEBSITE PWEHN SEWESE:

• emen me kin kamehlele me sohte Koht

• emen me ahpwtehn lokolongki kahpwal laud ehu

• brother de sister men me sohla iang kalohk oh mihting

• emen me ke pahn pwurehng pwurala reh me kin medemedewe ia wasa mwohni kin kohsang ie pwehn apwalih atail doadoahk

• aramas emen me kohsang ehu wasa tohrohr me men iang towehda mihting nan eh wasa