Sises ketin tounmeteikihla moure ong aramas soh unsek kan. (Ro 5:8) Kitail uhdahn kalahnganki me Sises ketin kasalehiong kitail sapwellime limpoak ni eh ketikihda moure pwehki kitail. Ahpw ekei pak, kitail anahne katamankihong pein kitail me Krais pil ketin pwoukihla riatail kan. Ia duwen atail kak kasalehda limpoak en Krais ong riatail kan me soh unsek duwehte kitail? Kitail tehkpene soahng siluh pwukat. Keieu, kitail kak katohtohwehla kompoakepatail kan pwehn iangahki irail kan me mwomwen arail tikida weksang atail. (Ro 15:7; 2Ko 6:12, 13) Keriau, kitail kak kanahieng pwehn dehr nda de wia mehkot me pahn kamwakara meteikan. (Ro 14:13-15) Ni kaimwisekala, ma emen wiahda dihp ong kitail, kitail kak mwadang mahkohng. (Lu 17:3, 4; 23:34) Ma kitail doadoahk laud en alasang Sises ni soangen ahl pwukat, Siohwa pahn ketin pousehlahte kapaiahkihda mwomwohdiso popohl oh miniminpene.

KILANG KISIN KASDO BECOME MORE BEAUTIFUL! OH MWURI SAPENGALA PEIDEK PWUKAT:

• Ia en Miki pepehm duwen eh mwomwohdiso nin tapio?

• Dahme wekidala eh pepehm kan?

• Ia duwen sapwellimen Sises mehn kahlemeng eh sewese Miki en kamwahwihala eh madamadau? (Mr 14:38)

• Ia duwen Lepin Padahk 19:11 eh kak sewese kitail en kilangwohng riatail Kristian kan ni madamadau pwung?