Nan nein Pohl kisin likou ong Taitus, e ntingihedi me mwahnakapw pwulopwul kan iangahki Taitus, anahne wia uwen arail kak pwe ren wia “mehn kahlemeng mwahu ehu ni soangen wiewia mwahu koaros.” (Tit 2:6, 7) Mwuhr nan irelaudohte, e kasalehda me Sises pahn ketin kamwakelehda sapwellimen Siohwa aramas akan pwe ren kak “ngoangki wia doadoahk mwahu kan.” (Tit 2:14) Ma kowe emen me pwulopwul, ke kak doadoahngki omw kehl pwe ken papah nin duwen sounsawaspen pioneer men de pioneer men?​—Lep 20:29.

Ma ke men papah nin duwen pioneer men, wiahda koasoandi ehu ong duwen omw pahn kak wiahla pioneer men. (Lu 14:28-30) Karasepe, ia duwen omw pahn kin pwainda dahme ke kin anahne ehuehu rahn ni omw pahn doadoahngki omw ahnsou laud nan doadoahk en kalohk? Ia duwen omw pahn kak lel tohtohn awa nan doadoahk en kalohk me anahn ong pioneer men? Kapakapki Siohwa en ketin seweseiuk. (Me 37:5) Koasoiapene duwen omw koasoandi ong omw pahpa nohno oh pil irail kan me kin pweida mwahu nan doadoahk en pioneer. Kowe eri wiahda kahk kan en lel omw mehn akadei. Siohwa pahn ketin kapaiukada ni omw kin ngoangki papah nan sapwellime doadoahk!

KILANG KISIN KASDO YOUTHS HONORING JEHOVAH, OH MWURI SAPENGALA PEIDEK PWUKAT:

• Kahpwal dah kan me ekei powehdier ni arail kin papah nin duwen pioneer kei, oh ia duwen arail kin wia met?

• Ia duwen pahpa nohno kan ar kak sewese neirail seri kan ren wiahla pioneer kei?

• Dahme kahrehda en wiahda koasoandi en kalohk kin kesempwal?

• Ia duwen tohnmwomwohdiso kan ar kak kangoange oh sewese pioneer men?

• Kapai dah kan me irail kan me kin papah nin duwen pioneer kin alehdi?