Sapwellimen Siohwa aramas akan koaros kak wiahda doadoahk mwahu kan ong Siohwa me e pahn ketin tamataman kohkohlahte. Duwehte pahpa de nohno limpoak men me kin kesempwalki nah seri kan oh sohte douluhl pahn manokehla soahng mwahu kan me re wiahda, Siohwa sohte kin ketin meliehla atail doadoahk oh limpoak me kitail kin kasalehda pwehki mwareo. (Md 6:20; Ipr 6:10) Ei, kitail koaros ahneki soangsoangen koahiek kan oh atail irair en mour kin wekpeseng. Ahpw, ma kitail kin wia uwen atail kak koaros nan atail papah Siohwa, kitail kak peren. (Kal 6:4; Kol 3:23) Erein pahr kei douwehr powe, brother oh sister kid kei kin doadoahk nan Pedel. Ke kak toukihda omw ahnsou pwehn doadoahk nan Pedel? Ma soh, ke kak kangoange emen tohrohr en wia met de sewese emen tohnpeneinei en Pedel en pousehlahte doadoahk ni soangen doadoahk kesempwal wet?

KILANG KISIN KASDO MAKING YOURSELF AVAILABLE FOR BETHEL SERVICE, OH MWURI SAPENGALA PEIDEK PWUKAT:

• Kahrepe dahieu me pahn kin kamwakid emen en doadoahk nan Pedel?

• Koasoi dah kan me ekei ndahki duwen kapai en doadoahk nan Pedel?

• Dahme anahn pwe emen en kak doadoahk nan Pedel?

• Ia duwen omw kak peki pwe ken doadoahk nan Pedel?