Dahme kahrehda kitail anahne kihong atail ahnsou ong irail akan me poakohng Siohwa? Pwehki aramas akan me kitail kin patehng kin kak sewese kitail en kin wia soahng mwahu kan de kangoange kitail en kin wia mehkot suwed. (Lep 13:20) Karasepe, Nanmwarki Sohas “wiadahr dahme kin kaparanda kupwur en KAUN-O” erein Samworo Lapalap Sehoiada eh momour. (2Kr 24:2) Mwurin Sehoiada eh mehla, Sohas sohla papah Siohwa pwehki werek suwed.​—2Kr 24:17-19.

Ni mwehin tepin Kristian kan, wahnpoaron Pohl karasaraski mwomwohdisohn Kristian ong “ihmw laud ehu” oh towe kan “dahl akan” de dipwisoun doadoahk en nan ihmw kan. Kitail “pahn wia mehn doadoahk ehu ong doadoahk waun” ni atail pahn soikala patehng sohte lipilipil, mehnda ma kisehn atail peneinei de tohn mwomwohdiso, me kin wia dahme kin kansensuwedih Siohwa. (2Ti 2:20, 21) Eri, kitail pahn kak pousehlahte kompoakepahnki irail akan me poakohng Siohwa oh me kin kangoange kitail en papah ih.

KILANG KISIN KASDO LEARN TO REJECT BAD ASSOCIATION, OH MWURI SAPENGALA PEIDEK PWUKAT:

• Soangen ahl dah kan me werek suwed kak lelohng kitail nan atail mour?

• Nan kisin kasdo, dahme sewese Kristian silimeno ren uhdihsang werek suwed?

• Kaweid en Paipel dah kan kak seweseiuk ni loalokong ken pilada ihs me ke pahn werekiong?