DAHME KAHREHDA E KESEMPWAL: Me keidi kan oh sihpw teikan kin luke soangsoangen aramas akan pwe ren “ale pilen mour ni soh isepe.” (Kau 22:17) Pihl wet ni karasaras kin wehwehki soahng koaros me Siohwa kin ketikihda pwehn kapitala aramas peik kan sang dihp oh mehla. Pwe kitail en sewese aramas akan me kohsang soangsoangen tiahk oh pelien lamalam kan, kitail anahne kalohki ‘rongamwahu soutuko’ ni ahl ehu me pahn kamwakid emenemen aramas.​—Kau 14:6.

IA DUWEN OMW PAHN WIA MET:

• Pilada ehu ire oh iren Paipel me pahn sair mohngiong en aramas akan nan omw wasahn kalohk. Ke kak pilada ehu iren sawas ong koasoakoasoipene de pilada dahme ke doadoahngkier me kin pweida mwahu. Soangen ire dah kan de iren Paipel dah kan me aramas kin pwungki rong? Mie rohng kapw me aramas tohto kin medemedewe oh koasoakoasoia duwe? Dahme ohl de lih emen pahn kin men rong?

• Pil doadoahngki rahnmwahu de koasoia duwen tiahk kan me aramas tohto kin ese nan omw wasa.​—2Ko 6:3, 4

• Esehla sawasepen Paipel kan oh kisin kasdo kan me mi nan neitail Koakon en Kasukuhl (Teaching Toolbox) pwehn ehukihong emen me pahn perenki rong

• Download ire kan ni en aramas me ele ke pahn tuhwong nan omw wasahn kalohk ar lokaia kan

• Wekidala ire me ke pahn padahngki me pahn konehng anahn en tohnihmwo. (1Ko 9:19-23) Karasepe, dahme ke pahn nda ma ke diarada me emen tohnihmwo ahpwtehn mehla?

KILANG KISIN KASDO, OH MWURI SAPENGALA PEIDEK PWUKAT:

• Ire dahieu me sounkalohko tepida koasoia ong tohnihmwo?

• Dahme kin wiawi nan en tohnihmwo eh mour?

• Mehnia iren Paipel kan me pahn keieu konehng nan soangen irair wet, oh dahme kahrehda?

• Ia duwen omw pahn wekidala omw koasoi pwe aramas akan nan omw wasahn kalohk en mwekidki?