Mwohnte Pahsohpao nan pahr 32, Sises ketin wiahda manaman kapwuriamwei ehu, ihte manaman me sounnting en Rongamwahu pahmen ko koaros kilelehdi.

Sang ni manaman kapwuriamwei wet, Sises ketin kasalehda mwekid ehu me e kin ketin pousehlahte wiewia nan atail ahnsou.

14:16-21

• Sises ketin mahsanihong sapwellime tohnpadahk ko ren kamwenge pokon ko, mendahki kanarail lopwon en pilawa limaute oh mwahmw riemen

• Sises ketin ale lopwon ko oh mwahmw ko oh mwurin eh loulouki, e tepida nehkpeseng rehn tohnpadahk ko oh irail uhd nehkohng pokono

• Pwehki manaman kapwuriamwei wet, mie mwenge tohto me itarohng koaros ren kang. Sises ketin kamwengehda meh kid kei sang ni pehn me malaulau, sapwellime tohnpadahk ko

• Sises ketin kohpada me erein ni imwin rahn akan, e pahn ketin idihada pwihn ehu en kin kihda padahk mehlel me rasehng mwenge ni “ahnsou me konehng.”​—Md 24:45

• Nan pahr 1919, Sises ketin idihada “ladu lelepek oh loalokong,” pwihn tikitik en me keidi kan, pwehn apwalih nah “sounpapah kan,” irail me kin mwenge

• Pwehki pwihn tikitik en me keidi pwukat, Sises ketin ideidawehn mwekido me e ketin wiahda ni mwehin tepin Kristian kan

Ia duwen ei kak kasalehda me I pohnese oh wauneki pwihn me Sises ketin wie doadoahngki pwehn kamwengehki aramas akan padahk mehlel?