Ni ahnsou me Sises ketiket nin sampah, e ketin kasansalehda kosonnedo: “Kahkahki semomw oh inomw.” (Eks 20:12; Md 15:4) Sises ahneki saledek en mahsanih met pwehki e “kin ketin peikiong” eh pahpa oh nohno ni eh pwulopwul. (Lu 2:51) Ni eh ketin laudla e pil kin tehk kanahieng me mie me pahn apwalih eh nohno mwurin eh pwoula.​—Soh 19:26, 27.

Pil ni atail ahnsou, Kristian pwulopwul kan me kin peikiong arail pahpa oh nohno oh kin koasoiong irail ni wahu kin kasalehda me re wauneki irail. Ni mehlel, sohte idin kehkehlik en wauneki semomw oh inomw. Pil mwurin atail pahpa oh nohno kan kin mahla, kitail anahne pousehlahte wauneki irail ni atail kin paiekihda arail erpit. (Lep 23:22) Kitail pil wauneki atail pahpa nohno kan me mahla sang ni atail kin apwalih irail ni pepehm oh anahn en mwohni me anahn. (1Ti 5:8) Sohte lipilipil ma kitail mah de pwulopwul, atail kin pousehlahte koasoakoasoi mwahu ong atail pahpa nohno kan iei ahl kesempwal en wauneki irail.

KILANG KISIN KASDO HOW CAN I TALK TO MY PARENTS? OH MWURI SAPENGALA PEIDEK PWUKAT:

• Dahme kahrehda e pahn kakete apwal ken koasoiong omw pahpa oh nohno kan?

• Ia duwen omw kak wauneki omw pahpa oh nohno kan ni omw kin koasoakoasoiong irail?

• Dahme kahrehda e mwahu ken nantihong koasoiong omw pahpa oh nohno? (Lep 15:22)