Ma kowe Kristian pwulopwul men de tohnsukuhl en Paipel men, ke kin akadeiong en papidaisla? Dahme kahrehda ke men papidaisla? Inoukihong Siohwa omw mour oh papidaisla iei tepin nanpwungmwahu tohrohr rehn Siohwa. (Me 91:1) Mepwukat kak komourkitailla. (1Pi 3:21) Ia duwen omw kak kekeirda pwehn kapwaiada kahk pwukat?

Kamehlelehiong pein kowe me met iei padahk mehlel. Wia pein omw roporop, ni ahnsou me mie omw peidek. (Ro 12:2) Tehk ma mie wekidekla kan me ke anahne wiahda. Ma mie, tehk mwahu pwe ken wia met ni omw men kaperenda Siohwa. (Lep 27:11; Ep 4:23, 24) Ahnsou koaros kapakap peki sawas reh. Ken kamehlele me Siohwa pahn ketin kakehlaka oh sewesehkin uhk sapwellime manaman kehlail. (1Pi 5:10, 11) Nanti laud me ke wiahda kin katapan. Papah Siohwa iei elen mour me keieu mwahu!​—Me 16:11.

KILANG KISIN KASDO THE ROAD TO BAPTISM, OH MWURI SAPENGALA PEIDEK PWUKAT:

• Soangen kahpwal dah kan me ekei powehdi pwe ren kak papidaisla?

• Ia duwen omw kak kakairada soangen pwoson me anahn pwe ken inoukihong Siohwa omw mour?

• Dahme kamwakid ekei pwe ren kapwaiada kahk kan me anahn ong papidaisla?

• Soangen kapai dah kan me kin kowohng irail kan me pilada ren papah Siohwa?

• Ia wehwehn inoukihong Siohwa omw mour oh papidais?