Duwehte Siohwa eh ketin koasoanehdi mehn Israel ko, e kin ketin koasoanehdi sapwellime aramas akan rahnwet pwe ren wia kupwure. Nan sampah pwon, ohpis kan, wasa kan, mwomwohdiso kan oh pwihnen kalohk kan koaros kin doadoahkpene pwe rongamwahwo en kak lohkpeseng. Kitail kin kalohk ong koaros, iangahki irail me kin lokaiahki lokaia teikan.​—Kau 14:6, 7.

Ke kin medemedewe en sukuhlki ehu lokaia pwehn sewese meteikan ren esehla padahk mehlel? Mehnda ma sohte omw ahnsou pwehn sukuhlki ehu lokaia, ke kak doadoahngki JW Language app pwehn esehla ehu wiepen koasoi me mengei ong kalohk. Eri, mwurin omw wia met nan kalohk, ke pahn kak ahneki soangen perenohte me tepin Kristian ko ahneki. Re uhdahn perenda ni ahnsou me aramas en sahpw teikan pwuriamweikihla ni ar rong “sapwellimen Koht doadoahk kapwuriamwei kan” ni pein ar lokaia.​—Wi 2:7-11.

KILANG KISIN KASDO BECOME JEHOVAH’S FRIEND—PREACH IN A FOREIGN LANGUAGE, OH MWURI SAPENGALA PEIDEK PWUKAT:

• Ele ahnsou dah me ke kak doadoahngki JW Language app?

• Dahme ke kak wia ni omw doadoahngki met?

• Mehnia lokaia me aramas akan kin lokaiahki nan omw wasahn kalohk?

• Dahme ke pahn wia ma emen kasalehda eh perenki rong rohng en Wehio ahpw e kin lokaiahki ehu lokaia tohrohr?​—od-E 100-101 par. 39-41