Ia kahpwal kan me ke kin lelohng ehuehu rahn? Ia duwe, kowe tapwin peneinei men me kin songosong en apwalih pwukoa tohto? Kowe pahpa de nohno kiripw men me kin songosong en sewese omw peneinei? Kowe me pwulopwul men me iengomw kan kin lidereiuk nan sukuhl? Ke kin kohwahki soumwahu de ahneki kahpwal en mahla? Koaros kin ahneki kahpwal kan. Kristian tohto kin ahneki soangsoangen kahpwal kan ni ahnsou ehute. Ahpw, kitail ese me ni ahnsou keren Siohwa pahn ketin kasaledengkitailla sang kahpwal pwukat.​—2Ko 4:16-18.

Lao lel ahnsowo, kitail kin nsenamwahuki ni atail ese me Siohwa ketin mwahngih atail kahpwal kan, ketin kalahnganki atail loalopwoat oh dadaurete oh pahn ketin kapaia kitail laud. (Ser 29:11, 12) Sises pil ketin nsenohkin kitail. Ni atail kin kapwaiada atail pwukoahn Kristian kan, kitail en kamehlele dahme e mahsaniho: “I pahn ieiang kumwail.” (Md 28:20) Ni atail kin uhdi oh doudouloale duwen saledek en ahnsou kohkohdo pahn kaundahn Wehin Koht, kitail kin kakehlaka atail koapworopwor oh atail koasoanehdi teng en dadaur pahn kahpwal en ahnsou wet.​—Ro 8:19-21.

KILANG KISIN KASDO AS THE STORM APPROACHES, MAINTAIN YOUR FOCUS ON JESUS!​—FUTURE KINGDOM BLESSINGS, OH MWURI SAPENGALA PEIDEK PWUKAT:

• Ia duwen aramas akan ar dohsangehr Koht, oh ia imwilahn met?

• Dahme irail me kin lelepek ong Siohwa kin kilikilangwohng ni ahnsou kohkohdo?

• Ia duwen koapworopwor kaselel wet eh kak pweida?

• Soangen kapai dah kan me ke kasikasik nan sampah kapw me inoudahr?