Samuel kin lelepekohngete Siohwa erein eh mour. Ni ahnsou me e kisin pwutak, e sohte men duwehla nein Ilai pwutak ko, Opni oh Pineas me suwed. (1Sa 2:22-26) Samuel kin wie kekeirda oh Siohwa kin ketin ieiang ih. (1Sa 3:19) Ni eh mahla, e kin pousehlahte idawehn sapwellimen Siohwa ahl akan mendahki nah pwutak ko ar sohte kin.​—1Sa 8:1-5.

Dahme kitail kak sukuhlkihsang en Samuel mehn kahlemeng? Ma ke pwulopwul, ken kamehlele me Siohwa ketin mwahngih omw kahpwal oh pepehm kan. E kak ketin seweseiuk ken eimah. (Ais 41:10, 13) Ma kowe pahpa de nohno men me noumw serio sohla papah Siohwa, ke pahn nsenamwahuki ni omw ese me Samuel sohte idingkihong nah pwutak laud ko ren lelepekohngete sapwellimen Siohwa koasoandi kan. E mweidohng Siohwa mepwukat, e kolokolete eh loalopwoat oh kaperenda kupwuren Semeo, Siohwa. Mweinele omw mehn kahlemeng mwahu pahn kamwakid noumw serio en pwurodo rehn Siohwa.

KILANG KISIN KASDO LEARN FROM THEM​—SAMUEL, OH MWURI SAPENGALA PEIDEK PWUKAT:

• Ia duwen Samuel eh kasalehda eimah ni eh kisin pwutak?

• Ia duwen Danny eh kasalehda eimah?

• Ia duwen Samuel eh wia mehn kahlemeng mwahu ni eh mahlahr?

• Ia duwen en Danny pahpa nohno ara wia mehn kahlemeng mwahu?