10:25-37

Sises ketin wia karasaras wet pwe en ketin sapengala peideko: “Ihs me uhdahn mehn mpei?” (Lu 10:25-29) E mwahngih me mwomwohdisohn Kristian pahn ehu rahn wiawihkihda “soangen aramas koaros”​—iangahki mehn Sameria oh mehn liki kan. (Soh 12:32) Karasaras wet padahkihong sapwellime tohnpadahk ko me irail uhdahn anahne nantihong en kasalehda limpoak ong meteikan, pil ong irail akan me ele uhdahn weksang irail.

PEIN IDEK REHMW:

• ‘Ia ei pepehm duwen riei Kristian kan me kohsang ni soangen tiahk teikan?’

• ‘I kin kalapw mi rehn irail kan me soahng kan reht duwepenehte?’

• ‘I kak langahda douluhl ei mohngiong ni ei esehla iengei Kristian kan me mwomwen arail tikida weksang ahi?’ (2Ko 6:13)

Ihs me I kak luke pwehn . . .

•  iang ie kalohk?

•  kohdo iang ie mwenge ni imweio?

•  iang ei peneinei nan at Kaudok en Peneinei wihk kohkohdo?