9:62

Pwe en wiahda uluhl inen, soundeipwel men en dehr mweidohng dahme mi mwuri en kerempwa ih. Duwehte, Kristian men en dehr mweidohng soahng kan me e pwilikidier nin sampah en kerempwa pein ih.​—Pil 3:13.

Ni atail kin lelohng kahpwal kan, e mengei en men pwuralahng mahs ahnsou me kitail medewe me mour kansenamwahu sang met, ele rahn akan mwohn atail iangala padahk mehlel. Ni atail kin wia met, kitail kalapw kalaudehla peren en ahnsowo oh katikala kahpwal kan. Ih met me mehn Israel ko wia mwurin arail kohkohsang Isip. (Nem 11:5, 6) Ma kitail sohte kin uhdihsang medemedewe soahng pwukat, kitail pahn kakete men pwuralahng atail mouren mahso. Ia uwen eh pahn mwahu sang en medemedewe atail kapai kan rahnpwukat oh en medemedewehte soahng kaperen kan ahnsou kohkohdo pahn kaundahn Wehio!​—2Ko 4:16-18.