Kitail kin doadoahngki atail kehl pwehn wiahda mehn akadei kan me kitail kak kalaudehkihla atail papah Siohwa. (1Ko 9:26) Mehn akadei kan kin sewese kitail en doadoahngki mwahu ahnsou luhwe pwukat mwohn koasoandi wet eh pahn imwisekla. (Ep 5:15, 16) Ke sou wiahda omw mehn akadei ong pahr en kalohk me pahn wad, erein amwail kaudok en peneinei? Pwehn seweseiuk, doaropwehn kasukuhl wet kin audaudki ire kan me pid mehn akadei kan me ke kak medemedewe oh kapakapki.​—Sei 1:5.

Karasepe, sang ni sawas en tohn peneinei koaros, emen rehrail de tohtohsang kak wiahla pioneer? Ma ke peikasalki wiahda awa kan me anahn, koasoiong pioneer kan me arail irair duwehte ahmw. (Lep 15:22) Mwein ke kak luke pioneer men ong amwail kaudok en peneinei oh idek peidek reh. Mwuri ntingihedi koasoandi kan me ke kak kapwaiada. Ma ke kin pioneer mahso, medewe ma omw irair en ahnsou wet kak mweidohng uhk en wia pioneer men.

Ekei nan amwail peneinei kak wia sawasepen pioneer nan ehu sounpwong de tohtohsang? Ma sohte omw kehl laud, ke kak wia sawasepen pioneer ni omw doadoahngki ekis ahnsou ehuehu rahn nan kalohk. Ma sohte omw ahnsou en iang kalohk nan wihk kan pwehki ke kin doadoahk de sukuhl, mwein ke kak pilada ehu sounpwong me dir holiday de mie weekend limau. Ntingihedi iahd me ke koasoakoasoane en wia sawasepen pioneer oh ntingihedi ahmw koasoandio nan ehu kalender.​—Lep 21:5.

KILANG KISIN KASDO BE A COURAGEOUS . . . PIONEER, OH MWURI SAPENGALA PEIDEK WET:

• Dahme ekspiriens en Sister Aamand padahkihong kitail duwen sapwellimen Siohwa epwel mwahu ong irail akan me kin wiahda tounmetei kan pwe ren wia doadoahk en pioneer?