Siohwa ketin kupwurki peneinei kan ren nsenamwahu. (Me 127:3-5; Ekl 9:9; 11:9) Ahpw, kitail kakete sohla ahneki peren pwehki kapwunod en sampah wet oh sapwung kan me atail peneinei kan wiahda. Dahme emenemen kak wia pwehn kalaudehla nsenamwahu nan ar peneinei?

Ohl pwopwoud men kin wauneki eh pwoud. (1Pi 3:7) E kin wiahda ahnsou en mi rehn liho. E sohte kin kasik laudsang dahme eh pwoudo kak wia oh e kin kalahnganki dahme e kin wiahiong ih oh ara peneinei. (Kol 3:15) E kin kasalehda eh poakohng oh kin kapinga ih.—Lep 31:28, 31.

Lih pwopwoud men kin rapahki elen eh pahn utung eh pwoudo. (Lep 31:12) E kin uhpah oh utung ohlo. (Kol 3:18) E kin koasoi kadekohng ih oh koasoia soahng mwahu kan duwen ih.—Lep 31:26.

Pahpa nohno kan kin wiahda ahnsou en mi rehn neirail seri kan. (Deu 6:6, 7) Re kin ndaiong neirail seri kan me re poakepoake irail. (Md 3:17) Ni ar kin kaiahne irail, re kin kasalehda limpoak oh dehde mwahu.—Ep 6:4.

Seri kan kin wauneki oh peikiong ar pahpa oh nohno kan. (Lep 23:22) Re kin padahkihong ira arail madamadau oh pepehm kan. Re kin ale kaiahn de peneu sang ar pahpa oh nohno kan oh kin waunekin ira.—Lep 19:20.

KILANG KISIN KASDO CULTIVATE JOY IN YOUR FAMILY, OH MWURI SAPENGALA PEIDEK WET:

Dahme emenemen irail kin wia pwehn kalaudehla nsenamwahu nan peneinei?