Pahpa nohno kan me kin lemmwiki Koht kin men kilang neirail seri kan ar wiahla ladun Siohwa lelepek kei. Pahpa nohno kan kak sewese irail en wia met ni arail kin katengehdiong nan mohngiongirail padahk en Paipel kan sang ni ar kisin serihte. (Deu 6:7; Lep 22:6) Ia duwe, met kin anahne tounmetei? Uhdahn! Ahpw keting kan me katapan.​—3So 4.

Pahpa nohno kan kak sukuhl laudsang Sosep oh Mery. “Nan pahr koaros, seme oh ine kin kohla Serusalem pwe ira en iang kasarawien Pahsohpa,” mendahki met eh kin anahne doadoahk laud oh mwohni. (Lu 2:41) E sansal me Sosep oh Mery kin keieu kesempwalki ara peneinei en karanihala Siohwa. Duwehte ira, pahpa nohno kan rahnpwukat kak kaweid neira seri kan ni ahl me pwung sang ara kin isaneki ahnsou mwahu koaros en padahkih irail sang ni koasoi oh mehn kahlemeng.​—Me 127:3-5.

KILANG KISIN KASDO THEY TOOK EVERY OPPORTUNITY, OH MWURI SAPENGALA PEIDEK PWUKAT:

• Ia duwen Jon oh Sharon Schiller ara kin mwohneki mahs papah Siohwa ni ara kin apwalih ara peneinei?

• Dahme kahrehda pahpa nohno kan anahne padahkih, kaiahne, oh kapwungala emenemen seri ni ahl wekpeseng?

• Ia duwen pahpa nohno kan ar kak kaunopada neira seri kan ren pelianda kasongosong kan ong ar pwoson?

• Mehn sawas dahkei me sapwellimen Siohwa pwihn kihda me ke doadoahngkihier pwe en sewese noumw seri kan ren wiahla kompoakepahn Siohwa?