“Kumwail Eri Mwasamwasahn”
Mendahki Sises ketin doadoahngki karasaras en meipwon ehk ko ong sapwellime tohnpadahk keidi kan, Kristian koaros kak paiekihda audepen sapwellimen Sises karasaraso. (w15 3/1 14-17) “Kumwail eri mwasamwasahn pwe kumwail sehse rahno de awao.” (Md 25:13) Ke kak kawehwehda sapwellimen Sises karasaraso?
-
Ohl kamwohd (iretikitik 1)—Sises
-
Meipwon ko me loalokong oh onopada (iretikitik 2)—Kristian keidi kan me onopadahngehr kapwaiada arail pwukoa kan ni lelepek oh me kin wie lingaling lao lel ni imwi (Pil 2:15)
-
Likwer: “Iet ohl kamwohdo” (iretikitik 6)—Kadehdepen Sises eh ketier
-
Meipwon loalopwon ko (iretikitik 8)—Kristian keidi kan me kohieilahng tuhwong ohl kamwohdo ahpw re sohte mwasamwasahn oh sohte kolokolete arail lelepek
-
Meipwon loalokong ko sohte men sawaski pilen neirail lamp ko (iretikitik 9)—Mwurin kaimwiseklahn kileldio, solahr ahnsou ong me keidi lelepek kan ren sewese sohte lipilipil me salelepekla
-
“Ohl kamwohdo pa leledo” (iretikitik 10)—Sises ketidohn wia kadeik kereniong ni imwin kahn kamakam kowahlap
-
Meipwon loalokong ko iang ohl kamwohdo pedolong nan kamadipw en kapwopwoudo, oh wenihmwo ritidi (iretikitik 10)—Sises ketikihpene sapwellime me keidi lelepek kan nanleng, ahpw me salelepek ko katihasang ketingparail nanleng