• Doadoahngki pein noumw adres. Ma ke medewe me e sohte pahn mwahu en doadoahngki pein noumw adres, ke kak doadoahngki adres en Wasahn Kaudok ma elder kan mweidohng uhk ken wia met. Ahpw ke SOHTE DOULUHL pahn doadoahngki adres en Ohpis en Sounkadehdehn Siohwa kan nan omw wasa.

• Ntingihedi eden aramaso ma ke ese. Met pahn kasalehda me kisinlikowo kaidehn kisinlikou me kohsang pesines kan.

• Tehk mwahu duwen spelling, grammar, oh punctuation. Kisinlikowo anahne soandi mwahu, oh sohte samin. Ma aramas me pein ntingihada, kisinlikowo anahne en mengei en wadawad. Lepin lokaia kan anahne en dehr nohn doadoahngki meing de sohte nohn kasalehda wahu.

Mwomwen kisinlikou wet karasahda ire kesempwal pwukat. Ahpw e sohte wehwehki me ke pahn anahne alasang ehuehu lepin lokaia ahnsou koaros me ke ntinglahng emen nan omw wasahn kalohk. Wekidala noumw kisinlikowo nin duwen kahrepe oh irair en ahnsou en eh wasa oh tiahk kan.