DAHME KAHREHDA E KESEMPWAL: Pwuhken 1 Korint iei ehu kisinlikou 14 ko me wahnpoaron Pohl ntingihada pwehn kangoange ienge Kristian akan. Ni ahnsou me aramas emen kin ntingihada kisinlikou ehu, mie eh ahnsou en pilada lepin lokaia kan ni keneinei, oh me alehdio kak pwurupwurehng wadek. Kisinlikou kan wia ahl mwahu ehu en kalohk ong kisehtail kan oh aramas akan me kitail kin ese. Mepwukat pil wia mehn doadoahk mwahu pwehn kalohk ong irail kan me kitail sohte kak tuhwong oh koasoiong. Karasepe, mwein emen kasalehda me e men rong, ahpw e apwal en tuhwong ih ni imweo. Ekei nan atail wasahn kalohk ele e apwal kitail en tuhwong pwehki irail kin koukousoan nan ihmw kan me kelpene teng, wasahn kousoan kan me kelpene, de re kin kousoan wasa doh kan. Ia ekei soahng kan me kitail anahne tamataman, ni mehlel, ni ahnsou me kitail kin ntingwohng emen me kitail sehse?

IA DUWEN OMW PAHN WIA MET:

• Ntingihedi dahme ke pahn koasoia ma ke pahn tuhwong. Tepikihda kawehwe ihs kowe nan kisinlikouo, oh kawehwehda ni sansal dahme kahrehda ke ntingla. Mwein ke pahn idek ehu peidek me aramaso pahn medemedewe duwe, oh padahkihong ih duwen neitail website. Mwuri padahkihong ih duwen Online Bible Study Lessons, kawehwehiong atail koasoandi en wia onop en Paipel ni ihmw kan, de koasoiaiong ekei oaralap kan sang nan ehu neitail pwuhken onop. Sawasepen Paipel, me duwehte kisin doaropwe (contact card), ehu doaropwehn luhk, de ehu kisin doaropwe kak mi nan kisinlikou

• En mwotomwot. Noumw kisinlikouo sohte anahne reirei, pwe aramas me ke kadaralahngo kakete pwangahkihda wadek.​—Kilang mwomwen kisinlikowo

• Pwurehng wadek pwehn kilang ma mie sapwung oh tehk kanahieng ma e soandi mwahu oh mengei en wadek. Tehk ma e ngoaramwahu, ngilen kadek, oh sohte pahn kahrehda kansensuwed. Tehk mwahu pwe stamp en envelopo en itar