Soangen mehn sawas kan me kitail kak kilang pwehn padahk kin sewese aramas akan ren kin kalaudehla arail tehk oh wehwehkihla oh tamataman dahme re kin skuhliki. Atail Sounkaweid Lapalapo, Siohwa ketin doadoahngki soahng pwukat pwehn wia mehn kasukuhl ong iren mehn kasukuhl kesempwal kan. (Sen 15:5; Ser 18:1-6) Sounpadahk Lapalapo, Sises pil kin ketin doadoahngki mepwukat. (Md 18:2-6; 22:19-21) Ehu soangen mehn sawas me uhdahn kadoadoahk nan pahr me kerendo iei kasdo. Ke kin doadoahngki kisin kasdo kan ni omw kin padahki noumw tohnsukuhl en Paipel kan?

Kisin kasdo eisek me kaunopadahr pwehn sewese kitail en padahngki irelaud kan me mi nan kisin pwuhk en Rohng Mwahu Sang Rehn Koht! Ehuehu oaralap en kisin kasdo kin pahrekiong ehuehu peidek ko me nting laud nan kisin pwuhko. Pwuhket pil mi nan jw.org oh mie link kan loale me pahn katamankin kitail iahd me kitail pahn kasalehda ehuehu kisin kasdo kan. Patehng met, mie kisin kasdo teikan me pil sewese ire kan nan sawaspen Paipel kan me mi nan neitail Koakon en Kasukuhl (Teaching Box).

Kumwa kin koasokoasoia ehu oaralap en Paipel me ele apwal ong noumw tohnsukuhlo en wehwehki? De noumw tohnsukuhlo nannanti en powehdi kahpwal ehu? Rapahki nanpwungen kisin kasdo kan nan jw.org® oh JW Broadcasting® pwehn diarada mehnia me pahn sewese ih. Mwein kowe oh noumw tohnsukuhlo kak kilangpene ehu kasdo pwukat oh koasoiapene.

Ehuehu sounpwong, mie kisin kasdo kapw kan kin kohda. Ni omw kilang kisin kasdo pwukat, medewe ia duwen omw kak doadoahngki ni omw padahki meteikan.