Ehuehu pahr kitail kin nanti laud en luke aramas akan nan atail wasa pwe ren iang kitail wia Katamano. Pali tohtohn irail iei aramas ekei me kitail sohte ese. Kitail pil anahne luke aramas akan me kitail ese. Aramas me kin alehdi doaropwehn luhk ehu sang rehn emen me e ese iei me kin kalapw iang towehda Katamano. (yb08-E 11 par. 3; 14 par. 1) Ihs irail kan me ke kak luke?

• Peneinei kan

• Iengomw tohndoadoahk de tohnsukuhl kan

• Mehn mpomw kan

• Pwurehng pwurala kan oh tohnsukuhl en Paipel en mahs oh mehn met kan

Patehng met, elder kan pahn luke irail kan me wereila sohla iang kalohk. Ia duwen ma emen me ke kin ese sohte kin mihmi nan omw wasao? Ke kak diarada kulok oh wasa me Katamano pahn wiawi ie, wasa me e kin mih ie ni omw pahn padik DUWEN KIHT pohnangin jw.org home page oh pilada “Kataman.” Ni omw pahn kaunopada ong Kataman en pahret, medewe irail kan me ke kak luke, oh mwuri luke irail.